ჩინეთის დიდ ქალაქებში, მიუხედავად ჯანდაცვის მსოფლიო ორგანიზაციის რეკომენდაციებისა, შაბათ-კვირას ხალხმრავლობა შეინიშნებოდა.

ამის შესახებ ინფორმაციას CNN  ავრცელებს.

4 აპრილს ანჰუის პროვინცია ჰუანგშანის პარკში შეკრებილი იყო ათასობით ადამიანი. აღსანიშნავია, რომ ბევრ მათგანს ეკეთა პირბადეც.

ამავდროულად, შანხაიში კვირის განმავლობაში ასევე შეინიშნებოდა ხალხმრავლობა. ქალაქის მრავალი რესტორანი, რომლებიც ჯერ კიდევ რამდენიმე დღის წინ დაკეტილი იყო, ფუნქციონირებას აგრძელებდნენ.

მსგავსი სიტუაცია იყო პეკინშიც, სადაც ადგილობრივები ქალაქის პარკებსა და ღია ადგილებში უკვე აქტიურად სეირნობდნენ.

ქვეყანა ნელ-ნელა უბრუნდება ნორმალურ ცხოვრებას მას შემდეგ, რაც ქვეყანაში პანდემიას ებრძოდნენ.

აღსანიშნავია ისიც, რომ სანამ მთავრობა ნელ-ნელა ამცირებს შეზღუდვებს, ჩინეთის ჯანდაცვის ექსპერტებმა მოუწოდეს საზოგადოებას გააგრძელონ რეკომენდაციების დაცვა.

ზენგ გუანმა, ჩინეთის დაავადებათა კონტროლის ცენტრის ხელმძღვანელმა, ხუთშაბათს Health Times- ის განუცხადა, რომ „ჩინეთს ჯერ ეპიდემიის დასასრული არ უნახავს“.

ფოტო: CNN / Shawn Deng

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის