ევროკავშირსა და ნატოში ინტეგრაციის პროცესის ფარგლებში არსებული მიღწევები, გამოწვევები და სამომავლო გეგმები განიხილეს საქართველოს ნატოსა და ევროკავშირში ინტეგრაციის კოორდინაციის სახელმწიფო კომისიების ერთობლივ სხდომაზე, რომელიც საქართველოს პრემიერ-მინისტრ გიორგი კვირიკაშვილის ხელმძღვანელობით, დღეს მთავრობის ადმინისტრაციაში გაიმართა.

საქართველოს ეკონომიკისა და მდგრადი განვითარების სამინისტროს შპს „მთის კურორტების განვითარების კომპანიის“ ინფორმაციით, კობში ზვავის ჩამოწოლის შედეგად გარდაიცვალა უნგრეთის მოქალაქე, რომელიც საქართველოში სასრიალოდ იყო ჩამოსული - ის გუდაურის  სათხილამურო ტრასებიდან კობის მიმართულებით 5 კილომეტრში გადავიდა.

საქართველოს სახალხო დამცველის საპარლამენტო მდივნის ეკა ფოფხაძის განცხადებით,   ომბუდსმენი  სახალხო დამცველის  მხოლოდ ერთი ვადით არჩევასა და მის არჩევაში საპარლამენტო უმცირესობის სავალდებულო მონაწილეობას მხარს არ უჭერს.

ევროპულ და ევროატლანტიკურ სტრუქტურებში ინტეგრაციის საკითხებში სახელწმიფო მინისტრის ვიქტორ დოლიძის განცხადებით, საქართველო არის ყველაზე წინ წასული ქვეყანა, რომელიც ევროკავშირიდან და სხვადასხვა დონორი ორგანიზაციებიდან წამორებულ დახმარებას მაქსიმალურად ეფექტურად იყენებს.

„მოძრაობა თავისუფლებისთვის - ევროპული საქართველოს“ წევრის, გიგი წერეთელის განცხადებით, პარლამენტის წინაშე  პრეზიდენტის ყოველწლიური მოხსენებით გამოსვლის შემდეგ, დებატები უნდა გაიმართოს.

"ევროპული საქართველოს" წევრის გიორგი ტუღუშის განცხადებით, საკონსტიტუციო სასამართლოს მანდატის გაფართოება საკონსტიტუციო სასამართლოს რესურსის  ზრდას მოითხოვს.

საქართველოს სახალხო დამცველის საპარლამენტო მდივნის ეკა ფოფხაძის განცხადებით, ომბუდსმენის აპარატის მიერ  მომზადებული კანონპროექტი გულისხმობს  საკონსტიტუციო სასამართლოს უფლებამოსილების გაზრდას, რომლის მიხედვითაც, საკონსტიტუციო სასამართლო განიხილავს არა მარტო ნორმატიულ აქტებს,  როგორც დღეს ხდება, არამედ საერთო სასამართლოების მიერ მიღებულ გადაწყვეტილებებს.

შინაგან საქმეთა სამინისტროს  სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1976 წელს დაბადებული პ.დ. და 1986 წელს დაბადებული რ.მ. ყაჩაღობის, დამამძიმებელ გარემოებებში ჩადენილი განზრახ მკვლელობის, ნარკოტიკული საშუალების უკანონო შეძენა-შენახვის და ცეცხლსასროლი იარაღის მართლსაწინააღმდეგო შეძენა-შენახვის ბრალდებით დააკავეს.

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, ცივილურ სამყაროში რუსეთი ერთ-ერთ მთავარ საფრთხეს წარმოადგენს. 

ლარი დოლართან და ევროსთან მიმართებაში გამყარდა.