სამგორის რაიონში, ვარკეთილის დასახლებაში #166-ე საბავშვო ბაღის ტერიტორიაზე 200 ძირი ხე-მცენარე დაირგო. 

თბილისის მერიის ინფორმაციით, გამწვანების ღონისძიებაში თბილისის მერი დავით ნარმანია ეკოლოგიისა და გამწვანები სამსახურის უფროს გიორგი წერეთელთან ერთად მონაწილეობდა. 

მათივე ინფორმაციით, სეზონური გამწვანების ღონისძიებების ფარგლებში,  ბაღის ტერიტორიაზე კვიპაროსის და ელდარის ფიჭვის ნერგები დარგეს. 

აქციაში, ეკოლოგიისა  და  გამწვანების სამსახურის თანამშრომლები, თბილისის საბავშვო ბაგა-ბაღების მართვის სააგენტოს ხელმძღვანელი თემურ თორდინავა,  სამგორის რაიონის გამგებელი გიორგი ბაგრატიონი, ,,თბილსერვის ჯგუფის” წარმომადგენლები და საბავშვო ბაღის აღსაზრდელები მონაწილეობდნენ. 

„საბავშვო ბაღის ტერიტორიაზე დღეს 200 ძირი ხე-მცენარე დაირგო. ეს აქცია გამორჩეულია იმით, რომ ბავშვები თავად არიან ჩართულები, სწავლობენ, ხეების დარგვას და მათ მოვლას. პატარებს ეცოდინებათ, როგორ იზრუნონ გარემოზე. გარდა ამისა, მინდა აღვნიშნო, რომ ღონისძიება მნიშვნელოვანია ბაღის აღსაზრდელებისა და მიმდებარედ მცხოვრები მოსახლეობისათვის, რადგან იქმნება უფრო ჯანსაღი გარემო“,- განაცხადა დავით ნარმანიამ. 

საგაზაფხულო რგვები მაისის შუა რიცხვებამდე გაგრძელდება. ხე-მცენარეები ქალაქის შემოგარენსა და ცენტრალურ უბნებში დაირგვება. გამწვანების სამუშაოები წინასწარ შერჩეულ ტერიტორიებზე, სპეციალისტების რეკომენდაციებით შემუშავებული გეგმის მიხედვით მიმდინარეობს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან