ევროპარლამენტის დელეგაცია საქართველოში მიმდინარე მოვლენებთან დაკავშირებით ერთობლივ განცხადებას ავრცელებს, რომელსაც ევროპარლამენტარი რასა იუკნევიჩიენე სოციალურ ქსელ X-ზე აქვეყნებს.

როგორც იუკენევიჩიენე წერს, ევროკავშირმა დაუყოვნებლივ უნდა შემოიღოს სანქციები, მოითხოვოს ახალი არჩევნები და მხარი დაუჭიროს დემოკრატიისთვის მებრძოლებს.

"გაყალბებული არჩევნები, სასტიკი რეპრესიები, მოპარული მომავალი -  საქართველო გზაჯვარედინზეა. ევროკავშირმა დაუყოვნებლივ უნდა შემოიღოს სანქციები, მოითხოვოს ახალი არჩევნები და მხარი დაუჭიროს დემოკრატიისთვის მებრძოლებს", - წერს რასა იუკნევიჩიენე X-ზე.

როგორც ევროპარლამენტარების განცხადებაშია აღნიშნული, ევროპარლამენტი დგას ქართველი ხალხისა და მათი ევროატლანტიკური მისწრაფებების გვერდით.

განცხადებას ხელს აწერენ:

• სერგეი ლაგოდინსკი (EFA), ევრონესტის საპარლამენტო ასამბლეის დელეგაციის თავმჯდომარე;
• რასა იუკნევიჩიენე (EPP), საქართველოს საკითხებზე ევროპარლამენტის მუდმივი მომხსენებელი;
• ნატალი ლუაზო (Renew), სამხრეთ კავკასიასთან ურთიერთობის დელეგაციის პირველი ვიცე-თავმჯდომარე;
• მიხალ შჩერბა (EPP), სამხრეთ კავკასიის დელეგაციის მეორე ვიცე-თავმჯდომარე;
• ტობიას კრემერი (S&D), საქართველოს საკითხებზე ჩრდილოვანი მომხსენებელი;
• რეინიე ვან ლანშოტი (მწვანეები/EFA), საქართველოს საკითხებზე ჩრდილოვანი მომხსენებელი;
• ბერნარ გეტა (Renew), ევრონესტის საპარლამენტო ასამბლეის წევრი.

შეგახსენებთ, გუშინ, 12 დეკემბერს, ევროპარლამენტარების დელეგაცია თბილისში იმყოფებოდა.  ევროპარლამენტარები საქართველოს პრეზიდენტ სალომე ზურაბიშვილს, სახალხო დამცველ ლევან იოსელიანსა და ოპოზიციური პარტიების წარმომადგენლებს შეხვდნენ.

მოგვიანებით, ისინი მივიდნენ რუსთაველის გამზირზე, სადაც მოქალაქეები მე-16 დღეა უწყვეტ რეჟიმში აპროტესტებენ მმართველი პარტიის პოლიტიკურ კურსს.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება