აგვისტოს მდგომარეობით საარსებო შემწეობის მიმღებთა რიცხვი 570 ათასამდე შემცირდა. სოციალური მომსახურების სააგენტოს მონაცემებით, ივლისთან შედარებით შემწეობის მიმღებთა რიცხვი 6546-ით შემცირდა. ჯამში იანვართან შედარებით საარსებო შემწეობის მიმღებთა რაოდენობა თითქმის 140 ათასით არის შემცირებული.

საარსებო შემწეობის მიმღებთა საერთო რაოდენობიდან 153 258 სახელმწიფო დასაქმების პროგრამაშია ჩართული, რომელიც 2026 წლიდან აღარ გაგრძელდა, თუმცა ვისაც 4-წლიანი პერიოდი დასასრულებელი აქვთ, ისინი კვლავ სისტემაში რჩებიან.

სახელმწიფოს სოციალურად დაუცველი ოჯახების გადამოწმება აქტიურად აქვს დაწყებული და როგორც პრემიერი ირაკლი კობახიძე ამბობს, წლის ბოლომდე კიდევ 65 ათასი ოჯახის სოციალური სტატუსის შემოწმება იგეგმება. კობახიძის წლიური ანგარიშის მიხედვით, წელს შემწეობა 22 707 ოჯახს უკვე შეუწყდა. კერძოდ, 5 თვეში სახელმწიფომ 40 ათასზე მეტი ოჯახი გადაამოწმა და ნახევარზე მეტს დახმარება მოუხსნა, რითაც, როგორც კობახიძე ამბობს, 55 მლნ ლარამდე დაიზოგა.

"წლის ბოლომდე დაგეგმილია დაახლოებით 65 ათასი ოჯახის მონაცემების გადახედვა. თუ ავიღებთ არსებულ ტენდენციას სავარაუდოდ, წლის ბოლოსთვის ეკონომია 75 მლნ ლარი იქნება. თუმცა ამის შემდეგაც გაგრძელდება პროცესები. ახლა ოჯახები შერჩეულია კონკრეტული კრიტერიუმით, ხოლო შემდეგმა გადამოწმებამ ყველა ოჯახი უნდა მოიცვას", - განაცხადა კობახიძემ.

მთავრობა ბოლო წლებში რეკორდულად გაზრდილი სოციალური დახმარების მიმღებთა სიას ამცირებს. პრემიერის ირაკლი კობახიძის წლიური ანგარიშის მიხედვით, წელს შემწეობა 22 707 ოჯახს შეუწყდა. 5 თვეში სახელმწიფომ 40 ათასზე მეტი ოჯახი გადაამოწმა და ნახევარზე მეტს დახმარება მოუხსნა, რითაც, როგორც კობახიძე ამბობს, 55 მლნ ლარამდე დაიზოგა.

მთავრობის მიზანი მეტის დაზოგვაა. პრემიერი პირობას დებს, რომ სოციალურად დაუცველი ოჯახების გადამოწმება გაგრძელდება: "წლის ბოლომდე დაგეგმილია დაახლოებით 65 ათასი ოჯახის მონაცემების გადახედვა. თუ ავიღებთ არსებულ ტენდენციას სავარაუდოდ, წლის ბოლოსთვის ეკონომია 75 მლნ ლარი იქნება. თუმცა ამის შემდეგაც გაგრძელდება პროცესები. ახლა ოჯახები შერჩეულია კონკრეტული კრიტერიუმით, ხოლო შემდეგმა გადამოწმებამ ყველა ოჯახი უნდა მოიცვას".

ქვეყანაში საარსებო შემწეობის მიმღებთა ზრდა 2020 წლიდან დაიწყო, როცა პანდემიის საბაბით სოციალურად დაუცველი მოსახლეობის გადამოწმება შეჩერდა. ამას 2022 წლიდან სახელმწიფო დასაქმების პროგრამაც დაემატა, რომელსაც შემწეობაზე მყოფი პირები დასაქმების ბაზრისთვის უნდა მოემზადებინა, თუმცა პრემიერი ამბობს, რომ წინამორბედის დროს ამუშავებული პროგრამა უსარგებლო და დასაქმება ფიქციური იყო. ამასობაში მთავრობის მიერ უსარგებლოდ შეფასებულ პროგრამაზე ბიუჯეტიდან 300 მილიონ ლარზე მეტი დაიხარჯა.

საქართველოში სოციალური დახმარების მიმღებთა რაოდენობა შემცირდა. სოციალური დაცვის სააგენტოს მონაცემებით, 2026 წლის მარტის მონაცემებით, სიღარიბის ზღვარს ქვემოთ მცხოვრები ადამიანების რაოდენობა გასული წლის ანალოგიურ პერიოდთან შედარებით თითქმის 6%-ით შემცირდა.

უფრო კონკრეტულად, სააგენტოს მონაცემებით, 2026 წლის მარტის მონაცემებით, დახმარებას სულ 667 793 ადამიანი იღებდა. გასული წლის ანალოგიურ პერიოდში მიმღებთა რაოდენობა 708 017 იყო.

საქსტატის ეროვნული სამსახურის მონაცემებით, ამჟამად საქართველოში 3 704 500 ადამიანი ცხოვრობს. შესაბამისად, ყოველი მეექვსე ქართველი საარსებო შემწეობას იღებს.

უფრო კონკრეტულად, რეგიონების მიხედვით შეღავათების მიმღებთა რაოდენობა შემდეგნაირად ნაწილდება:

თბილისი — 147,948
ქვემო ქართლი — 107,587
იმერეთი — 78,224
სამეგრელო-ზემო სვანეთი — 76,121
აჭარის ავტონომიური რესპუბლიკა — 68,129
კახეთი — 62,776
შიდა ქართლი — 52,553
გურია — 25,334
სამცხე-ჯავახეთი — 19,225
მცხეთა-მთიანეთი — 17,515
რაჭა-ლეჩხუმი და ქვემო სვანეთი — 12,381
სტატისტიკაში ასევე შედის სახელმწიფო დასაქმების პროგრამაში მონაწილე პირები. თუ ოჯახის ერთი წევრი მაინც მონაწილეობს სახელმწიფო დასაქმების ხელშეწყობის პროგრამაში, დეკლარაციაში ჩამოთვლილი ოჯახის ყველა წევრი (მათ შორის არასრულწლოვნები) რჩება სოციალურად დაუცველი ოჯახების ერთიან მონაცემთა ბაზაში რეგისტრირებული და ოთხი წლის განმავლობაში შეღავათების მიღების უფლებამოსილი.

თუმცა, მთავრობის გადაწყვეტილებით, დასაქმების პროგრამები 2026 წლის ბიუჯეტში აღარ არის გათვალისწინებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ბენზინგასამართი სადგურების თითქმის ნახევარიდან ბენზინი გაქრა

2026 წელს რუსეთის არმიის მიერ განხორციელებული ტერიტორიული „დაპყრობების“ თითქმის 80% ყალბი აღმოჩნდა

Bloomberg: კრემლი ჰიბრიდული თავდასხმებით ევროპის ცხოვრების ჯოჯოხეთად გადაქცევას გეგმავს

„ტოიოტა ცენტრი თეგეტამ“ საქართველოში სრულად ელექტრო Toyota bZ4X წარადგინა