2024-12-09 12:20:59, 680 ნახვა

---

ნაცვლიშვილი - მივმართავთ ევროპის საბჭოს და გაეროს 2 შესაბამის ორგანოს, რომელთა მანდატი არაადამიანური მოპყრობის საქმეებზე რეაგირებს

მივმართავთ ევროპის საბჭოს და გაეროს 2 შესაბამის ორგანოს, რომელთა მანდატი წამებისა და არაადამიანური მოპყრობის საქმეებზე რეაგირებაა,- ამის შესახებ კოალიცია „ძლიერი საქართველოს“ ერთ-ერთმა ლიდერმა, ანა ნაცვლიშვილმა ოპოზიციური პარტიების ერთობლივ ბრიფინგზე განაცხადა.

როგორც ნაცვლიშვილმა აღნიშნა, ყველა საერთაშორისო ინსტრუმენტს გამოიყენებენ იმისთვის, რომ „დაისაჯოს თითოეული მოძალადე და დაისაჯონ ამ თვითმარქვია რეჟიმის თანამდებობის პირები“.

„4 პროდასავლური პოლიტიკური აქტორის მიერ ორიოდე დღის წინ შეიქმნა სამუშაო ფორმატი, რომლის ამოცანაც არის არცერთი ძალადობა, საქართველოს მოქალაქეების წინააღმდეგ, რომელსაც სჩადის რუსული თვითმარქვია არალეგიტიმური რეჟიმი, არ დარჩეს დაუსჯელი. ამ ეტაპზე ჩვენ იდენტიფიცირებული გვყავს ათასობით დაზარალებული, რომლები გახდნენ არა მხოლოდ ქართული სამართლით, არამედ საერთაშორისო დანაშაულების მსხვერპლი. თვითმარქვია რეჟიმი სჩადის საერთშორისო დანაშაულს, მათ შორის საერთაშორისო სისხლის სამართლის დანაშუალს. სჩადის დანაშაულებს, რომელიც გათვალიწინებულია არაერთი საერთაშორისო კონვენციით. შესაბამისად, ჩვენ არ დავტოვებთ არცერთ შესაძლებლობას, საერთშორისო ინსტრუმენტს, რომელსაც არ გამოვიყენებთ იმისთვის, რომ დაისაჯოს თითოეული მოძალადე და დაისაჯონ ამ თვითმარქვია რეჟიმის თანამდებობის პირები, რომლებიც გასცემენ ბრძანებას ადამიანების წამებაზე, მათ რეპრესიებზე და აწარმოებენ ადამიანის დევნას პატრიოტული, პოლიტიკური ნიშნით. 

დღეს ჩვენ მივმართავთ ევროპის საბჭოს და გაეროს 2  შესაბამის ორგანოს, რომელთა მანდატი არის რეაგირება წამების და არაადამიანური მოპყრობის საქმეზე კონკრეტული მტკიცებულებით, კონკრეტულ დაზარალებულებზე და კონკრეტულ დამნაშავეებზე. ეს გაგრძელდება. საქართველოს თითოეულ მოქალაქეს უნდა გქონდეთ იმედი, რომ ახალი არჩევნების შემდეგ, როგორც კი აღდგება ქვეყანაში კანონისა და კონსტიტუციის მოქმედება, ეს ადამიანები ვინც დღეს ძალადობენ, ქართული მართმსჯულების წინაშე  აგებენ პასუხს. მანამდე, ვინაიდან თვითმარქვია ხელისუფლებამ ამ ქვეყანაში შეაჩერა კონსტიტუციის მოქმედება, მივდივართ საერთაშორისო სამართლით. გამოვიყენებთ ამ მექანიზმს საქართველოს მოქალაქეების დასაცავად“,- განაცხადა ნაცვლიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი