2024-12-05 10:11:19, 412 ნახვა

---

პრეზიდენტი სპეცრაზმელების სიაზე - ეს სია მნიშვნელოვანი მონაპოვარია, ადასტურებს სისტემის რღვევას და საზოგადოებრივ მორალურ წნეხს აძლიერებს

ეს სია მნიშვნელოვანი მონაპოვარია, რამეთუ ადასტურებს სისტემის რღვევას და საზოგადოებრივ მორალურ წნეხს აძლიერებს,- ასე ეხმაურება საქართველო პრეზიდენტი სალომე ზურაბიშვილი „მთავარი არხის“ მიერ გამოქვეყნებულ სპეცრაზმელების სიას.

როგორც ზურაბიშვილი სოციალურ ქასელ „ფეისბუქზე“ წერს, ეს წნეხი საზოგადოების ჯანსაღი გამოვლინებაცაა და დიდი ძალა, თუმცა არავითარ შემთხვევაში პირად ანგარიშსწორებაში არ უნდა გადაიზარდოს.

„ეს სია ძალიან მნიშვნელოვანი მონაპოვარია, რამეთუ ადასტურებს სისტემის რღვევას და აძლიერებს საზოგადოებრივ მორალურ წნეხს ადამიანებზე, რომლებსაც, იმედი მაქვს, შეიძლება სინდისი აწუხებთ და ჩადენილს განიცდიან.

ეს წნეხი საზოგადოების ჯანსაღი გამოვლინებაცაა და დიდი ძალა, თუმცა არ უნდა არავითარ შემთხვევაში გადაიზარდოს პირად ანგარიშსწორებაში ! ამან პირიქით დროებით კონსოლიდაცია შეიძლება გამოიწვიოს. სამართლიანი სასამართლოს დრო ისედაც მოდის!“- წერს ზურაბიშვილი. 

შეგახსენებთ, „მთავარი არხი“ ავრცელებს ინფორმაციას, რომლის მიხედვითაც, შინაგან საქმეთა სამინისტროდან ფარულად მიაწოდეს იმ სპეცრაზმელების სია, რომლებიც თბილისში, რუსთაველის გამზირზე საპროტესტო აქციის დაშლაზე არიან პასუხისმგებელი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი