2024-12-05 09:41:14, 403 ნახვა
პოლიტიკა
მილერი - აშშ საქართველოს მოქალაქეების მიმართ ძალადობას მკაცრად გმობს - ჩვენს ხელთ არსებულ ინსტრუმენტებს გამოვიყენებთ
ამერიკის შეერთებული შტატები მკაცრად გმობს „ქართული ოცნების“ სასტიკ და გაუმართლებელ ძალადობას საქართველოს მოქალაქეების მიმართ,- ამის შესახებ აშშ-ის სახელმწიფო დეპარტამენტის პრესსპიკერი მეთიუ მილერი სოციალურ ქსელ X-ზე წერს.
როგორც მილერმა აღნიშნა, აშშ გამოიყენებს მის ხელთ არსებულ ინსტრუმენტებს, რათა ხელი შეუწყოს საქართველოს დემოკრატიის ძირის გამოთხრაზე პასუხისმგებელი პირების ანგარიშვალდებულებას.
„აშშ მკაცრად გმობს „ქართული ოცნების“ სასტიკ და გაუმართლებელ ძალადობას საქართველოს მოქალაქეების მიმართ. ჩვენ გამოვიყენებთ ჩვენს ხელთ არსებულ ინსტრუმენტებს, რათა ხელი შევუწყოთ მათ ანგარიშვალდებულებას, ვინც ცდილობს ძირი გამოუთხაროს საქართველოს დემოკრატიას“,- წერს მილერი.
ავტორი: ექსპრესნიუსი,
epn.ge (@expressnews.ge)
