2024-02-23 16:37:32, 1094 ნახვა
მსოფლიო
რუსებმა ოდესა დაბომბეს - არის მსხვერპლი
რუსეთის საოკუპაციო ძალებმა უკრაინის ქალაქი ოდესა დაბომბეს. ამის შესახებ ინფორმაციას უკრაინული მედია თავდაცვის ძალებზე დაყრდნობით ავრცელებს.
როგორც მედია წერს, დაბომბვის შედეგად საცხოვრებელ ზონაში ძლიერი ხანძარი გაჩნდა და მაშველებმა სამძებრო ოპერაციის დროს სამოქალაქო ობიექტების ნანგრევებში 3 ადამიანის ცხედარი აღმოაჩინეს.
თავდაცვის ძალების ცნობით, ამ ეტაპზე სამძებრო სამუშაოები შეჩერებულია, რადგან დემონტაჟის სამუშაოები მიმდინარეობს.
ავტორი: ექსპრესნიუსი,
epn.ge (@expressnews.ge)
