2024-02-22 19:51:42, 938 ნახვა
მსოფლიო
საზღვრის უკანონოდ გადაკვეთის გამო, მოლდოვის სასაზღვრო პოლიციამ რვა უკრაინელი დააკავა
საზღვრის უკანონოდ გადაკვეთის გამო, მოლდოვის სასაზღვრო პოლიციამ რვა უკრაინელი დააკავა. ამის შესახებ ინფორმაციას მოლდოვური მედია მოლდოვის სასაზღვრო პოლიციაზე დაყრდნობით ავრცელებს.
როგორც მოლდოვის სასაზღვრო პოლიციაში აცხადებენ, უკანონო მიგრანტები მას შემდეგ დააკავეს, რაც უკრაინის მხრიდან რამდენიმე გასროლის ხმა გაისმა.
„სახელმწიფო საზღვრის დაცვის დროს მობილურმა პატრულმა გაიგო გასროლის ხმები უკრაინის მხრიდან. ამასთან დაკავშირებით, პატრულმა ოპერატიულ ქმედებებს მიმართა მოლდოვა-უკრაინის საზღვრის გასწვრივ“, - განაცხადეს სასაზღვრო პოლიციაში.
ავტორი: ექსპრესნიუსი,
epn.ge (@expressnews.ge)
