თბილისში, 200-მდე რესტორანმა, ბოიკოტის ნიშნად, 24 საათით მიწოდების სერვისი შეწყვიტა

2021-01-30 12:21:52, 897 ნახვა

ეკონომიკა

თბილისში 200-მდე რესტორანმა 24 საათით მუშაობა და გატანის სერვისის მიწოდება შეწყვიტა.

"200-მდე რესტორანი შემოუერთდა ამ პროტესტს. კიდევ ერთხელ მივაწოდებთ მთავრობას ხმას, თუ რა მდგომარეობაში შეიძლება აღმოჩნეს სექტორი", - განაცხადა რესტორატორთა ასოციაციის დირექტორმა, შოთა ბურჯანაძემ.

სარესტორნე სექტორის წარმომადგენლების ამის პარალელურად, დღეს, მთავრობის ადმინისტრაციასთან საპროტესტო აქციას გამართავენ. აქცია 15:00 საათზე ჩატარდება.

სფეროს წარმომადგენლები მთავრობის გადაწყვეტილებებს გააპროტესტებენ. ისინი რესტორნების, კაფე-ბარებისა და ტრანსპორტის გახსნას მოითხოვენ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან