„ვითიბი ბანკის“ ფინანსური მხარდაჭერით საქართველოში 27000 ტონა მაღალი ხარისხის ამერიკული ხორბლისა და 4000 ტონა მაღალი ხარისხის ამერიკული სოიოს შროტის იმპორტი განხორციელდა. აღნიშნული შესაძლებელი გახდა შპს „ფოთის მარცვლეულის ტერმინალსა“ და ამერიკულ კომპანია Land O’lakes შორის დადებული ხელშეკრულებით, რომლის ფარგლებშიც, ფოთში შემოვიდა ამერიკული საქონლით დატვირთული გემი. ამერიკული ხორბლის იმპორტი საქართველოში, შესაძლებლობას მისცემს წისქვილ-კომბინატებს, საბაზრო ფასად შეიძინონ და გადაამუშავონ მაღალი ხარისხის ხორბალი.

ამერიკული ხორბლის იმპორტი ამერიკის შეერთებული შტატების მთავრობის მიერ საქართველოს დახმარების პროგრამის „სურსათი პროგრესისთვის“ (Food for Progress) ფარგლებში ხორციელდება. პროგრამიდან მიღებული თანხები მოხმარდება საქართველოში ადგილობრივი პროექტების მხარდაჭერასა და დაფინანსებას. 

აღსანიშნავია რომ, ვითიბი ბანკის სრული დაფინანსებით,  წელს, 2004 წლის შემდეგ, ამერიკული მაღალი ხარისხის ხორბლის საქართველოში იმპორტი მეორეჯერ განხორციელდა. პირველად ანალოგიური ტრანზაქცია, ბანკის ფინანური მხარდაჭერით, „ფოთის მარცვლეულის ტერმინალსა“ და ამერიკულ მხარეს შორის 2019 წელს შედგა.

მოხარულები ვართ, რომ „ვითიბი ბანკის“ პარტნიორობით, ქვეყნისთვის სტრატეგიულად მნიშვნლოვანი პროექტი უკვე მეორეჯერ განხორციელდა.  დღეის მდგომარეობით მიმდინარეობს მოლაპარაკებები მომდევნო პარტიების შესყიდვაზე, იმედს გამოვთქვამთ, რომ შეთანხმება მხარეებს შორის კვლავ წარმატებით დასრულდება და საქართველოში კიდევ შემოვა მაღალი ხარისხის ამერიკული ხორბალი - განაცხადა ვითიბი ბანკის კორპორატიული ბიზნესისი დირექტორმა ვლადიმერ რობაქიძემ  

„ფოთის მარცვლეულის ტერმინალის“ დირექტორმა ქეთევან კუბლაშვილმა განაცხადა - აღნიშნული პროექტი ძალზედ მნიშვნელოვანია ხორბლის საიმპორტო წყაროების დივერსიფიცირებისთვის. განსაკუთრებით მაშინ, როდესაც, რეგიონალურ ბაზარზე შექმნილი ვითარების გამო, არსებობს ხორბლის მოწოდების შეზღუდვის მოლოდინი.

უკვე მეორე წელია, „ვითიბი ბანკი“ და კომპანია „ფოთის მარცვლეულის ტერმინალი“ თანამშრომლობენ ამ მიმართულებთ,  მთლიანი ჯაჭვის დაფინანსება ხდება სავაჭრო დაფინანსების ფარგლებში, რაც გაცილებით ამარტივებს აშშ-დან საქონლის შემოტანას და გაყიდვის პროცესს.  

მნიშვნელოვანია რომ, ხორბლის გაყიდვებიდან მიღებული თანხები, მოხმარდება საქართველოს სოფლის მეურნეობის სექტორს. გვსურს, მადლობა გადაუხადოთ ამ გარიგებაში ჩართულ ყველა მხარეს, მათ შორის აშშ-ს და საქართველოს მთავრობებს და  აშშ-ს საელჩოს საქართველოში.

ავტორი: R (რეკლამა),

სოციალური ქსელები

ხმების 100 % ან 99 % „ქართულმა ოცნებამ“ შუალედურ ე.წ არჩევნებში გამარჯვება მოიპოვა

კობახიძე - დადასტურდა, მათ შორის ვიდეოჩანაწერებით, რომ რაზეც ეს კონკრეტული პატიმარი საუბრობდა, იყო ტყუილი

კობახიძე აღიარებს რომ სურსათის გაზრდილი ფასები ხალხს მტკივნეულად დააწვა

ამერიკა ასჯერ ძლიერია, ვიდრე რუსეთი - ზელენსკიმ ტრამპს მოუწოდა, გაიხსენოს აშშ-ის ძალა