15:24 - 06 Jul, 2020
2020-06-30 15:48:22, 643 ნახვა

მსოფლიო
აშშ-ს და ბრიტანეთის საელჩოებმა მოსკოვში ლგბტ დროშები გადმოკიდეს, რამაც რუსული ეკლესიის, კრემლის და მედიის განცვიფრება გამოიწვია

აშშ-ის საელჩომ რუსეთში, ლგბტქი დროშის დღის აღსანიშნავად წარმომადგენლობის შენობიდან ლგბტ დროშა გადმოკიდა. შესაბამისი განცხადება აშშ-ის საელჩომ Facebook-ის ოფიციალურ გვერდზეც განათავსა.

რუსეთში, შენობაზე დაკიდებულ დროშებს პროვოკაცია და აგრესიული ლგბტ-პროპაგანდა უწოდეს და შესთავაზეს რუსეთის ხელისუფლებას, რომ ამერიკელი და ბრიტანელი ელჩები დაეჯარიმებინათ. აღნიშნულს რუსეთის პრეზიდენტის პრესსპიკერი, დიმიტრი პესკოვიც გამოეხმაურა და აღნიშნა, რომ კრემლიდან დროშა არ ჩანს და გასცა დაპირება, რომ საგარეო საქმეთა სამინიტრო ინციდენტს რეაგირების გარეშე არ დატოვებს.

25 ივნისის შემდეგ, 3 დღეში მოძრაობა „სოროკ-სოროკოვ“-ის აქტივისტებმა საელჩოების პიკეტირება მოახდინეს და გაანადგურს ლგბტ დროშა.

რუსეთის მართლმადიდებლურმა ეკლესიამ ამ პროტესტებს მხარი დაუჭირა და განაცხადა, რომ ოჯახის ფასეულებები ხელშეუხებელია.

"ამერიკის საზოგადოებაში ხმამაღლა ისმის წუხილები იმის შესახებ რომ ჰომოფობიასთან ბრძოლის ეგიდით გამართული კამპანია გადაიზარდა ტრადიციული ოჯახების დისკრიმინაციაში. ამის შესახებ ბოლოს საზოგადოდ და ხმამაღლა ამერიკელმა გენერალურმა პროკურორმა, უილიამ ბარმა განაცხადა. ვფიქრობთ, რომ ზოგიერთ ამერიკელ დიპლომატს არ აწყენდა პროკურორი ბარის განცხადების მოსმენა“, - აცხადებენ საპატრიარქოში.




ავტორი: ლანა მრავალაძე, ექსპრესნიუსის რეპორტიორი 2018 წლიდან


სოციალური ქსელები
კომენტარები

კორონავირუსი - ყველა სიახლე

ვიდეო/LIVE

გავრილოვის ღამიდან 1 წლის შემდეგ რუსთაველის გამზირზე აქცია იმართება












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics