ბეიჯინგის 11 უბანში ხელისუფლებამ კარანტინი გამოაცხადა

2020-06-13 15:19:16, 1896 ნახვა

მსოფლიო

ჩინეთში, ბეიჯინგში 6 ახალი კორონავირუსის შემთხვევევის დაფიქსირების შემდეგ, ხელისუფლებამ 11 უბანში საგანგებო ვითარება გამოაცხადა. მოსახლეობას სახლის დატოვების უფლება არ აქვს - ამის შესახებ, "ევრონიუსი" იუწყება.
ბეიჯინგში, ქალაქის უდიდესი კვების პროდუქტების ბაზარი მას შემდეგ დაიხურა, რაც კორონავირუსის 7 შემთხვევა ბაზარში მყოფთ დაუფიქსირდათ.
ჯანდაცვის ეროვნულმა კომისიამ განაცხადა, რომ პარასკევს 6 ახალი ინფიცირების შემთხვევა დაფიქსირდა მაშინ, როდესაც ხუთშაბათს ერთი შემთხვევა უკვე დადასტურებული იყო. ეს ჩინეთის, ინფიცირების პირველი ტალღის შემდეგ ეს პირველი შიდა გადაცემის შემთხვევა იყო, სწორედ ამიტომ ბეიჯინგის 11 უბანში საგანგებო ვითარება გამოცხადდა.
ინფიცირებულებიდან პირველი ორი ზემოთ აღნიშნულ ბაზარში, ხოლო მესამე ინფიცირებული ხორცის კვლევის ინსტიტუტის თანამშრომელია - ამის შესახებ, ჩინეთის ადგილობრივი მედია ავრცელებს ინფორმაციას.
ჯანდაცვის ეროვნულმა კომისიამ განაცხადა, რომ ბოლო 24 საათის განმავლობაში 5 იმპორტირებული შემთხვევა დაფიქსრდა ჩინეთის ჩრდილოეთ ნაწილში.
ჯამში, ჩინეთში 83 075 შემთხვევა დაფიქსირდა, ხოლო გარდაცვალებულთა რიცხვი არ გაზრდილა და კვლავ 4634-ს შეადგენს.