აშშ-ში, პროტესტებისა და არეულობის დროს, რომელიც აფროამერიკელი ჯორჯ ფლოიდის გარდაცვალებით არის გამოწვეული, მინიმუმ 11 ადამიანი დაიღუპა - აღნიშნულ ინფორმაციას „ევრონიუსი“ ავრცელებს.

გამოცემის ცნობით, დაღუპულები არიან ჩიკაგოში (ილინოისი), დეტროიტში (მიჩიგანი), ომაჰაში (ნებრასკა), დავენპორტში (აიოვა), ოკლენდში (კალიფორნია) და ლუისვილში (კენტუკი). დაღუპულთა უმეტესობა აფროამერიკელია.

Associated Press-ის უახლესი შეფასებით, შეერთებულ შტატებში, ბოლო 4 დღის განმავლობაში დაახლოებით 4.4 ათასი ადამიანი დააკავეს საპროტესტო აქციების და არეულობების დროს. კერძოდ, მათ ბრალი წაუყენეს ძარცვისთვის, კომენდანტის წესების დარღვევისთვის, გზების გადაკეტვისთვის.

არეულობებთან დაკავშირებით, კომენდანტის საათი დაწესდა აშშ-ს დაახლოებით 40 ქალაქში, მათ შორის ვაშინგტონში, ლოს ანჯელესსა და ნიუ იორკში.

მაგრამ მიუხედავად კომენდატის საათისა, პროტესტანტები არ აპირებენ ქუჩების დატოვებას. ისინი აცხადებენ, რომ არ მისცემენ საშუალებას პრეზიდენტ ტრამპს, რომ დაამახინჯოს ამერიკელი ხალხის დემოკრატია.

მინეაპოლისსა და ამერიკის სხვადასხვა შტატებში საპროტესტო გამოსვლები 46 წლის აფროამერიკელი ჯორჯ ფლოიდის გარდაცვალების შემდეგ დაიწყო. ჯორჯ ფლოიდი მიმდინარე კვირის დასაწყისში მინეაპოლისში პოლიციის მხრიდან ფიზიკური ძალადობის შედეგად გარდაიცვალა. მომხდარის გამოძიების ფარგლებში უფლებამოსილება პოლიციის ოთხ ოფიცერს შეუჩერდა, რომელთაგან ერთ-ერთი 29 მაისს დააკავეს და მკვლელობაში წაუყენეს ბრალი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხმების 100 % ან 99 % „ქართულმა ოცნებამ“ შუალედურ ე.წ არჩევნებში გამარჯვება მოიპოვა

კობახიძე - დადასტურდა, მათ შორის ვიდეოჩანაწერებით, რომ რაზეც ეს კონკრეტული პატიმარი საუბრობდა, იყო ტყუილი

კობახიძე აღიარებს რომ სურსათის გაზრდილი ფასები ხალხს მტკივნეულად დააწვა

ამერიკა ასჯერ ძლიერია, ვიდრე რუსეთი - ზელენსკიმ ტრამპს მოუწოდა, გაიხსენოს აშშ-ის ძალა