2019-07-24 18:40:48, 2695 ნახვა
რეგიონი
თორნიკე რიჟვაძე: უნდა დაფასდეს ჩვენი თითოეული პარტიული მხარდამჭერი და თანამებრძოლი
"ქართული ოცნება - დემოკრატიული საქართველოს" აჭარის ორგანიზაციის ფორმირებასთან დაკავშირებულ ხედვებსა და გეგმებზე თორნიკე რიჟვაძემ ტელეარხ 25-ის პირდაპირ ეთერში ისაუბრა.
"ჩემთვის ყველაზე მნიშვნელოვანია დაფასდეს თითოეული პარტიული მხარდამჭერი, როგორც ძველი გვარდია, ასევე ჩვენ გვეყოლება ძალიან ბევრი ახალი სახე" - აღნიშნა თორნიკე რიჟვაძემ.
აჭარის მთავრობის თავმჯდომარის თქმით, გააკეთებენ ყველაფერს, რომ განვლილი არჩევნების მსგავსად, მომავალშიც ხალხისგან მაღალი ნდობა და ლეგიტიმაცია მიიღონ.
"ჩვენ გვინდა უფრო ფართოდ გავუღოთ კარები ახალგაზრდებს პარტიულ ორგანიზაციებში და არამარტო. მათი ნიჭი, მათი მუხტი ასევე უნდა რეალიზდეს რეგიონის პროცესებში სხვადასხვა სფეროში" - აღნიშნა თორნიკე რიჟვაძემ გადაცემაში "საზოგადოებრივი პოზიცია".
(NS)
ავტორი: ექსპრესნიუსი,
epn.ge (@expressnews.ge)
