პარლამენტთან მოშიმშილეები შეუძლოდ გახდნენ

2019-07-13 19:49:59, 2561 ნახვა

საზოგადოება

პარლამენტთან მოშიმშილე ორი დემონსტრანტი - ბექა ბასილაია და ვახტანგ სიხარულიძე შეუძლოდ გახდნენ.

ადგილზე სასწრაფო სამედიცინო დახმარების გამოძახება გახდა საჭირო.

ექიმების ცნობით, მოშიმშილეებს გლუკოზის დაბალი დონე და მომატებული არტერიული წნევა აღენიშნებოდათ, თუმცა მედიკამენტების მიღებაზე უარი განაცხადეს.

აღსანიშნავია, რომ ბასილაია პარლამენტთან უკვე მეცხრამეტე დღეა შიმშილობს, სიხარულიძე კი, მეჩვიდმეტე. მოშიმშილეების მოთხოვნა შინაგან საქმეთა მინისტრის, გიორგი გახარიას გადადგომაა.

შეგახსენებთ, ანტისაოკუპაციო აქცია „სირცხვილია“ უკვე 24 დღეა გრძელდება. აქციის მონაწილეები აცხადებენ, რომ სანამ შინაგან საქმეთა მინისტრი არ გადადგება, დემონსტრაციებს არ შეწყვეტენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,