გაერთიანებული ოპოზიცია ზუგდიდში საპროტესტო აქციას მართავს და N67-ე საოლქო საარჩევნო კომისიის თავმჯდომარის, მირანდა მესხის გადაყენებას მოითხოვს.

როგორც ოპოზიციის წევრები განმარტავენ, საარჩევნო უბნებზე სამაგიდო სიები, საარჩევნო ბეჭდები და ლუქები არჩევნებამდე ხუთი დღით ადრე გაიგზავნა.

ენმ-ს წევრის თინა ბოკუჩავას განცხადებით, ბეჭდები სამაგიდო სიებთან ერთად დალუქულ მდგომარეობაში არჩევნებამდე ორი დღით ადრე უნდა გაიცეს.

„იყო მცდელობა არჩევნების გაყალბების არჩევნებამდე 5 დღით ადრე. ვითხოვთ მირანდა მესხის გადაყენებას საოლქო კომისიის თავმჯდომარის პოსტიდან და ასევე ჩვენ ვითხოვთ რომ შეიცვალოს ბეჭდები, ცესკომ გამოაგზავნოს ახალი ბეჭდები იმიტომ, რომ ასე ბეჭდების გატანა, შემდეგ დაბრუნება ჩანთებით, ღია პარკებით, ეს არის აბსოლუტურად ყველა პროცედურის დარღევა“, - აღნიშნა ბოკუჩავამ.

რაც შეეხება, ზუგდიდის საოლქო კომისიის თავმჯდომარე, მირანდა მესხსს, მისი განმარტებით, მას კანონი არ დაურღვევია.

„კანონი არ დამირღვევია გავეცი კედლის სიები, გავეცი ამომრჩევლის ბარათები. ზუსტად ამ გამჭვირვალობის  ამომრჩევლის უსაფრთხოების, სანდოობის უზრუნველყოფის მიზნით მობრუნებულია სიები. არ მობრუნდა ბეჭდები და არც მოვაბრუნებთ ამ ბეჭედს. ბეჭედი არის მიღება-ჩაბარების აქტით გაცემული, ეს არის ინვენტარი. ბეჭდის ლუქის მთლიანობა როდესაც დაირღვევა, ამას უბანზე ვნახავთ. მორიგი შოუსთვის მე სხდომას ამ საკითხთან დაკავშირებით არ გავმართავ“, - გაანცხადა მირანდა მესხმა.

ამასთან, ოპოზიცია დღეს 12:00 საათზე  საარჩევნო კომისიის შენობასთან საპროტესტო აქციას გამართავს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის არმიის მინისტრმა თანამდებობა ჰეგსეთთან კონფლიქტის გამო დატოვა - CNN

დღეიდან, საგზაო მოძრაობის პირობებში სატრანსპორტო საშუალების ექსპლუატაციისას წარმოქმნილი ხმაურის დონის შემოწმება, პორტატული მოწყობილობით განხორციელდება

ოზურგეთში, სოფელ ნასაკირალში ქალის მკვლელობაში ბრალდებული დააკავეს

საქართველოში მყოფ საერთაშორისო სტუდენტებს მოეთხოვებათ ქართული ენის ცოდნის დამტკიცება