პრეზიდენტის სიძეს, მინდია გოგოჭურს ბრალს დღეს წარუდგენენ.

როგორც გოგოჭურის ადვოკატი შოთა მანელიძე აცხადებს, მისი დაცვის ქვეშ მყოფი ბრალს არ აღიარებს.

„წარდგენილი ბრალდების არც ერთ ფორმულირებაში და არც ერთ ნაწილში ის თავს დამნაშავედ არ ცნობს. მისდამი ამ ბრალდების მადასტურებელი არანაირი კონკრეტული სამხილი, გარემოება და მტკიცებულება არ არსებობს. ბრალდების ფორმულირება ფაქტობრივად გასაგებია, თუმცა ჩვენთვის ძალიან მნიშვნელოვანია დეტალიზაცია, თუ რა დგას ამ ბრალდების უკან და არსებობს თუ არა თუნდაც პატარა, მცირედი მისხალი იმისა, რომ ამ ბრალდებას არსებობის უფლება ჰქონდეს“, - განაცხადა ადვოკატმა.

შეგახსენებთ, ცეცხლსასროლი იარაღის მართლსაწინააღმდეგო შენახვის და დანაშაულის შეუტყობინელობის ფაქტებზე, მინდია გოგოჭური და ჯანმრთელობის განზრახ მძიმე დაზიანების ბრალდებით ძებნილი გიორგი რაზმაძე 6 დეკემბერს დააკავეს.

შსს ინფორმაციით, სამართალდამცველებმა დაკავებულების დროებითი საცხოვრებელი ბინის ჩხრეკისას, ტყვია გაუმტარი ჟილეტი ამოიღეს. ასევე, კორპუსის მიმდებარე ტერიტორიიდან ამოღებული იქნა აღნიშნული პირების მიერ საცხოვრებელი ბინიდან გადმოყრილი 2 პისტოლეტი, რომლებზეც დანიშნულია შესაბამისი ექსპერტიზები.

ავტორი: ,

სოციალური ქსელები

ზელენსკი: ვიტკოფისა და კუშნერის ვიზიტების დროს საჰაერო დარტყმებს არ განვახორციელებთ, რუსეთმაც იგივე უნდა გააკეთოს

დენის კულანინმა საქართველო დატოვა

სააკაშვილი- მელია რომელიც ერთ დროს ჩემს მზეს რომ ფიცულობდა, ახლა ის დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე, ჩემი მიმართულებით

პროკურატურა - „ასავალ-დასავალის“ რესპონდენტის გარდაცვალებასთან დაკავშირებით ოპოზიციის სამი წევრი დაიკითხა