გავრცელებული ინფორმაცია, რომლის თანახმადაც მსოფლიოს პატრიარქმა უკრაინული ეკლესიის ავტოკეფალია აღიარა, სიმართლეს არ შეესაბამება, - ამის შესახებ უკრაინული მართლმადიდებლური ეკლესიის სინოდის წევრმა მიტროპოლიტმა ემანუილმა განაცხადა.

112.UA-ს ცნობით, 31 აგვისტოს სტამბოლში, კონსტანტინოპოლისა და მოსკოვის პატრიარქების შეხვედრა გაიმართა, თუმცა ავტოკეფალიის აღიარების გადაწყვეტილება არ მიღებულა.

მანამდე გავრცელდა ინფორმაცია, რომ ბართლომეოს პირველმა მოსკოვის საპატრიარქოს დელეგაციას უმასპინძლა და პირადად რუსეთის პატრიარქ კირილს აცნობა, რომ უკრაინული ეკლესიის ავტოკეფალიის აღიარების შესახებ გადაწყვეტილება მიღებულია და შესაბამისი პროცედურები მიმდინარეობს. თუმცა მოგვიანებით, მიტროპოლიტმა ემანუილმა განაცხადა, რომ მსოფლიო პატრიარქის სიტყვების არასწორი ინტერპრეტაცია განხორციელდა. მან განმარტა, რომ უკრაინული ეკლესიის ავტოკეფალიის საკითხის განხილვა შეხვედრაზე ნამდვილად მოხდა, მსოფლიო პატრიარქმა პირობა დადო, რომ ყველა გზას გამონახავს რათა თემის იმპლემენტაცია მოხდეს, თუმცა გადაწყვეტილება სტატუსის მინიჭებასთან დაკავშირებით შეხვედრის ფარგლებში არ მიღებულა. 

სასულიერო პირმა მოუწოდა ყველა მედია საშუალებას, აღნიშნული ინფორმაცია ვებ-გვერდებიდან წაშალონ და საზოგადოებას ბოდიში მოუხადონ. 

ავტორი: ,

სოციალური ქსელები

რეჟიმის წარმომადგენელმა თურნავამ, რეფინანსირების განაკვეთი გაეზარდა ინფლაციას დააბრალა

მეუფე იობი ეკლესიაში საგარეო ჩარევებზე: ზეწოლაც ხდება და ჩარევებიც ხდება

მონეტარული პოლიტიკის გამკაცრების შედეგად, 252 029 მსესხებელს სესხზე ყოველთვიური შენატანი გაეზრდება - „საზოგადოება და ბანკები“

2 წელიწადში პირველად, სებ-მა რეფინანსირების განაკვეთი გაზარდა - 8.25%-მდე