რუსეთში ვერტმფრენის ჩამოვარდნას 18 ადამიანი ემსხვერპლა

2018-08-04 10:31:45, 1639 ნახვა

მსოფლიო

რუსეთში, კრასნოიარსკის ოლქში სამგზავრო ვერტმფრენი ჩამოვარდა, რის შედეგად 18 ადამიანი დაიღუპა, - ამის შესახებ "რია ნოვოსტი" იუწყება.

მედია საშუალების ინფორმაციით, ვერტმფრენი კომპანია Utair-ს ეკუთვნოდა. ბორტზე სულ 18 ადამიანი იმყოფებოდა - ეკიპაჟის 3 წევრი და 15 მგზავრი.

მედიის ცნობით, ვერტმფრენს კომპანია „ვანკორის“ თანამშრომლები გადაჰყავდა. აღნიშნულთან დაკავშირებით პროკურატურამ გამოძიება სატრანსპორტო საშუალების მოძრაობის უსაფრთხოების ნორმების დაცვის შესაბამისობაზე დაიწყო, რამაც 2 ან მეტი ადამიანის სიცოცხლის მოსპობა გამოიწვია.

მოგვიანებით რუსულ მედიაში გავრცელდა ინფორმაცია, რომ ვერტმფრენი სხვა ვერტმფრენს დაეჯახა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები