2018 წლის ზამთრის ოლიმპიადის გახსნის ცერემონიალზე, სამხრეთ კორეისა და ჩრდილოეთ კორეის ოლიმპიური ნაკრებები ერთი დროშის ქვეშ გამოვლენ. ინფორმაციას BBC ავცელებს.

ამის შესახებ შეთანხმებას ორი ქვეყნის წარმომადგენლებმა მოლაპარაკებებზე მიაღწიეს. შეთანხმების მიხედვით, გახსნის ცერემონიალზე ჩრდილოეთ და სამხრეთ კორეელი სპორტსმენები თეთრი დროშით გამოვლენ, რომელზეც ლურჯი ფერით კორეის ნახევარკუნძულის სილუეტი იქნება გამოსახული და გაერთიანების იდეის მატარებელი იქნება. 

ამასთანავე,  მხარეები ჰოკეიში ქალების საერთო გუნდის შექმნაზეც შეთანხმდნენ. 
სულ ჩრდილოეთ კორეის ოლიმპიური ნაკრები 150 წევრისგან შედგება. ისინი სამხრეთ კორეაში 1 თებერვალს გაემგზავრებიან. თამაშებს კი ჩრდილოეთ კორეიდან 230-მდე გულშემატკივარი და მედიაწარმომადგენელიც დაესწრება.

2018 წლის ზამთრის ოლიმპიური თამაშები 9-იდან 25 თებერვლამდე სამხრეთ კორეაში გაიმართება. 

ავტორი: ,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო