გიორგი მარგველაშვილი: მთავრობის წარმომადგენლებს წარმატებას ვუსურვებ და ყველა მინისტრთან ვითანამშრომლებ

2015-05-09 15:49:29, 293 ნახვა

პოლიტიკა

„მთავრობის თითოეულ წევრს წარმატებას ვუსურვებ და ყველა მინისტრთან ვითანამშრომლებ“,-ამის შესახებ საქართველოს პრეზიდენტმა გიორგი მარგველაშვილმა მთავრობის მიმართ ნდობის გამოცხადებასთან დაკავშირებით ჟურნალისტებს განუცხადა.
მისივე თქმით, ქვეყანა სერიოზული გამოწვევების წინაშე დგას.
„სერიოზული გამოწვევების წინაშე დგას ქვეყანა. უპირველეს ყოვლისა, ეს არის ეკონომიკა, აუცილებელია ეფექტური ღონისძიებების გატარება სავალუტო პრობლემების დასაძლევად, ეკონომიკის უფრო ძლიერი იმპულსების მისაცემად. არის სირთულეები და გამოწვევები საგარეო პოლიტიკის თავლსაზრისით და აუცილებელია, დემოკრატიული დღის წესრიგის შენარჩუნება. ვუსურვებ წარმატებას და ვითანამშრომლებ მთავრობის ყველა მინისტრთან“,-განაცხადა გიორგი მარგველაშვილმა.
შეგახსნებეთ, რომ პარლამენტმა მთავრობის განახლებულ შემადგენლობას და სამთავრობო პროგრამას ნდობა გამოუცხადა. მინისტთა კაბინეტს მხარი 87 დეპუტატმა დაუჭირა, მის წინააღმდეგ კი ხმა 38 პარლამენტის წევრმა მისცა. კენჭისყრა წუხელ, გვიან ღამით გაიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან