კატალონიის პარლამენტმა რეგიონის დამოუკიდებლობის შესახებ რეზოლუციას მხარი დაუჭირა, -ამის შესახებ BBC იუწყება.

მედია საშუალების ინფორმაციით, რეზოლუციას მხარი 72 კატალონიელმა დეპუტატმა დაუჭირა მხარი, ხოლო 10 დეპუტატი წინააღმდეგი იყო. ამასთან, პარლამენტის ორმა წევრმა კენჭისყრაში მონაწილეობისგან თავი შეიკავა. აღსანიშნავია, რომ 135 დეპუტატმა კენჭისყრას ბოიკოტი გამოუცხადა.

მედიის ცნობით, კენჭისყრა პარლამენტში კატალონიის მეთაურის კარლეს პუჩდემონის გუშინდელი გამოსვლის შემდეგ ჩაინიშნა. პუჩდემონმა სიტყვით გამოსვლის დროს განაცხადა, რომ ვადამდელი არჩევნების ჩატარებაზე უარს ამბობს.

რეზოლუციაში ნათქვამია, რომ "კატალონია ხდება დამოუკიდებელი სახელმწიფო, რესპუბლიკის ფორმატში". სულ რეზოლუციაში 17 პუნქტია.

აღნიშნული რეზოლუციის დამტკიცებას ესპანეთის პრემიერ-მინისტრი მარიანო რახოი უკვე გამოეხმაურა. როგორც პრემიერი Twitter-ის საკუთარ გვერდზე  წერს, "ლეგიტიმური სახელმწიფო (ესპანეთი) კატალონიაში კანონიერებას აღადგენს".

გარდა ამისა, ესპანეთის მინისტრთა კაბინეტი დღეს საგანგებო სხდომას გამართავს.

დამოუკიდებლობის რეზოლუციის საპასუხოდ მადრიდმა რეგიონში პირდაპირი მმართველობის დაწესებას დაუჭირა მხარი. კატალონიაში ჩატარებული კენჭისყრიდან ერთ საათში ესპანეთის სენატმა კონსტიტუციის 155-ე მუხლის ამოქმედებას, რომელიც ავტონომიის სტატუსის ჩამორთმევას ითვალისწინებს, მხარი დაუჭირა.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია

ისრაელის არჩევნებზე ხმების 56.7%-ის დათვლის შემდეგ, უმრავლესობას ვერცერთი ბლოკი ვერ ფლობს