უკრაინამ ამერიკის შეერთებულ შტატებს და სხვა ყველა ქვეყანას აცნობა, რომ საქართველოს ყოფილ პრეზიდენტის და ოდესის ოლქის ყოფილი გუბერნატორის, მიხეილ სააკაშვილის ყველა პასპორტი გაუქმებულია.

ამის შესახებ „კომსომოლკსაია პრავდა უკრაინაში“ იუწყება.

გაზეთის ინფორმაციით, უკრაინის პრეზიდენტმა პეტრო პოროშენკომ სააკაშვილის მოქალაქეობასთან დაკავშირებით „ცბიერი კომბინაცია გაათამაშა“.

„სააკაშვილის მოქალაქეობის შეჩერების ბრძანების შემდეგ, უკრაინის საგარეო საქმეთა სამინისტროს მეშვეობით, აშშ-ს ყველა კომპეტენტურ ორგანოს ეცნობა, რომ სააკაშვილის ყველა პასპორტი გაუქმებულია. მას ფიზიკურად აშშ-ს დატოვება აღარ შეუძლია. სააკაშვილი იზოლაციაშია“, - წერს გაზეთი.

ამასთან, გაზეთის ცნობით, ყველაფერი ისე გათამაშდა, რომ საქართველოში სააკაშვილის ექსტრადიციასთან უკრაინას საერთო არაფერი ჰქონდეს.

თავის მხრივ, მიხეილ სააკაშვილი აცხადებს, რომ კიევში მაინც დაბრუნდება და საკუთარი სიმართლის დამტკიცებას სასამართლოში ეცდება.

სააკაშვილისთვის მოქალაქეობის შეჩერების ბრძანებას პოროშენკომ ხელი 26 ივლისს მოაწერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ადვოკატი ღარიბაშვილის მიმართ სავარაუდო წამების ფაქტზე გამოძიების დაწყებას ითხოვს

რეპორტიორები საზღვრებს გარეშემ ბიძინა ივანიშვილი „პრესის თავისუფლების მტაცებელთა“ სიაში კვლავ შეიყვანა

ნანა სანდერს საპროცესო გაუფორმდა, ის ციხიდან 6 ნოემბერს გამოვა

ცხრა დღის განმავლობაში ჰორმუზის სრუტეში თერთმეტი ტანკერი დაიწვა