2017-08-02 22:24:56, 2496 ნახვა
საზოგადოება
კახეთის გზატკეცილზე ხანძარი ლოკალიზებულია
თბილისში, კახეთის გზატკეცილზე, აეროპორტის ხიდებთან ხანძარი ლოკალიზებულია.
ამის შესახებ ჟურნალისტებს შსს-ს საგანგებო სიტუაციების მართვის სააგენტოს თბილისის მთავარი სამმართველოს უფროსის მოადგილე დავით გელაშვილმა განუცხადა.
მისივე თქმით, ამ დროისთვის დარჩენილი ხანძრის კერების ლიკვიდაცია მიმდინარეობს.
ცნობისთვის, ადგილზე 30-მდე სახანძრო ტექნიკა და 150-მდე მეხანძრე მაშველი მუშაობდა. სამაშველო სამსახურის წარმომადგენლები ამ დრომდე ტერიტორიაზე იმყოფებიან.
შეგახსენებთ, ხანძარი სტამბის შენობაში გაჩნდა, სადაც სპირტი და სხვა აალებადი ნივთიერებები ინახებოდა. მომხდარის შედეგად არავინ დაშავებულა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
