NDI: გამოკითხულთა 82%-ის აზრით, მუხთარლის გატაცების ფაქტზე პასუხისმგებლობა საქართველოს ხელისუფლებამ უნდა აიღოს

2017-07-27 11:35:50, 2247 ნახვა

საზოგადოება

ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა უმრავლესობა 82% აცხადებს, რომ აზერბაიჯანელი ჟურნალისტის აფგან მუხთარლის გატაცების ფაქტთან დაკავშირებით პასუხისმგებლობა საქართველოს ხელისუფლებამ უნდა აიღოს.

ამ მოსაზრებას მხოლოდ გამოკითხულთა 9% არ ეთანხმება.

NDI-მ და CRRC–საქართველომ დღეს მედიას საზოგადოებრივი აზრის კვლევის შედეგების მეორე ნაწილი წარუდგინეს.

კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგენლობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან