2017-07-27 10:54:22, 2395 ნახვა
პოლიტიკა
მაიკ პენსი საქართველოს 31 ივლისს ეწვევა
საქართველოს პრემიერ-მინისტრმა გიორგი კვირიკაშვილმა მთავრობის სხდომაზე აშშ-ის ვიცე პრეზიდენტის მაიკ პენსის ვიზიტზე ისაუბრა.
პრემიერის თქმით, პენსის ვიზიტი საქართველოში 31 ივლისს და 1-ელ აგვისტოს შედგება.
„მინდა შევეხო აშშ-ის ვიცე-პრეზიდენტის საქართველოში ვიზიტს. პენსის ვიზიტი საქართველოში 31 ივლის და პირველ აგვისტოს შედგება. ეს ვიზიტი გახლავთ კიდევ ერთი ძალიან დიდი დადასტურება აშშ-ის მხარდაჭერის საქართველოს მიმართ. ის, რომ ჩვენ ძალიან მოკლე დროში ძალიან მჭიდრო ურთიერთობები დავამყარეთ ახალ ადმინისტრაციასთან უმნიშვნელოვანესია ჩვენი სტრატეგიული პარტნიორობის განვითარების კუთხით“,-აღნიშნა პრემიერმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
