საქართველოს პრეზიდენტი გიორგი მარგველაშვილი აზერბაიჯანელი ჟურნალისტის აფგან მუხთარლის  მეუღლეს  ლეილა მუსტაფაევას ხვდება.

შეხვედრა პრეზიდენტის ადმინისტრაციაში ცოტა ხნის წინ დაიწყო.

მუსტაფაევა მადლობას უხდის პრეზიდენტს  მის მიერ დაფიქსირებული პოზიციის გამო.

ასევე, პრეზიდენტს სთხოვს, თუ აქვს შესაძლებლობა, მუხთარლის საქმე  ქვეყნის დღის წესრიგში დააყენოს:

"მადლობა მინდა გადავუხადო პრეზიდენტს  მის მიერ დაფიქსირებული პოზიციის გამო,  განსხვავებით სხვა ოფიციალური უწყებებისგან, მაგალითად პრემიერი და სხვა ოფიციალური პირები იმეორებდნენ იმავეს, რასაც აზერბაიჯანის ოფიციალური მხარე ავრცელებდა. რაც შეეხება გამოძიებას, ახალი არაფერია ქართველი სამართალდამცველების მხრიდან გარდა რამდენიმე ვიდეო ჩანაწერისა და რამდენიმე მოწმის დაკითხვისა. ჩვენ არ ვართ კმაყოფილი ამ გამოძიებით, ვინაიდან უკვე ერთი თვე გავიდა და არანაირი სერიოზული შედეგი არ დადებულა. მათ ვერ მოძებნეს პირები, ვინც მუხთარლი გაიტაცა. ვერ იპოვეს ის პირიც, რომელმაც შეუკვეთა მუხთარლის გატაცება. ეს ნიშნავს იმას,  რომ ხელს აფარებენ ამ პირებს. ეს მიუთითებს იმაზე, რომ სახელმწიფო უწყებები არიან ჩართული მის გატაცებაში",-განუცხადა შეხვედრის დაწყებამდე ჟურნალისტებს ლეილა მუსტაფაევამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.