მთავრობის ადმინისტრაციის შენობაში საქართველოს სოლიდარობის  ფონდსა და კომპანია „ავერსი-რაციონალს“ შორის ურთიერთთანამშრომლობის მემორანდუმს მოეწერა ხელი. 

მემორანდუმის თანახმად, კომპანია „ავერსი-რაციონალი“ ფონდის მხარდასაჭერად თანამშრომლობის შემდეგ მექანიზმს გააქტიურებს: კომპანიის თანამშრომლები ყოველთვიურად საკუთარი ხელფასიდან ნებაყოფლობით დონაციას განახორციელებენ სოლიდარობის  ფონდში სიმსივნით დაავადებული ბავშვებისა და 22 წლამდე ახალგაზრდების დასახმარებლად.

„მემორანდუმი ითვალისწინებს „ავერსი-რაციონალის“ თანამშრომლების ჩართულობას ითვალისწინებს  სოლიდარობის ფონდის საქმიანობაში თავისი შენატანებით. ამ შემთხვევაში „ავერსი-რაციონალი“ აკეთებს ამის ორგანიზებას  და ასევე უქმნის თავის თანამშრომლებს  სტაბილურ გარემოს,  რაც მათ  საშუალებას აძლევს, რომ მაქსიმალურად იყვნენ ჩართულები სოლიდარობის ფონდის საქმიანობაში“, - განაცხადა მალხაზ კურტანიძემ.

როგორც „სოლიდარობის ფონდის“ აღმასრულებელი დირექტორის მოვალეობის შემსრულებელმა სოფიო კაკალიაშვილი-ძაგნიძემ აღნიშნა, „ავერსი-რაციონალის“ მხარდაჭერა უპრეცედენტოა.

„პირველ რიგში უღრმესი მადლობა მინდა გადავუხადო კომპანია „ავერსი-რაციონალის“ ადმინისტრაციას, მის თითოეულ თანამშრომელს ამ უპრეცენდენტო მხარდაჭერისთვის. დღეს  ხელი მოეწერა თანამშრომლობის მემორანდუმს. მემორანდუმი გულისხმობს ყოველთვიურად თანამშრომლების ნებაყოფლობით ჩართულობას  და გარკვეული თანხა გადაირიცხება ყოველთვიურად „სოლიდარობის ფონდში“. ეს თანხა სიმსივნით დაავადებულ ბავშვების მკურნალობას მოხმარდება“,-განაცხადა სოფიო კაკალიაშვილი-ძაგნიძემ.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს