იოჰანეს ჰანი: ილჰამ ალიევთან კონსტრუქციული შეხვედრა გვქონდა

2017-06-16 15:57:00, 1804 ნახვა

საზოგადოება

ევროკომისარი იოჰანეს ჰანი აზერბაიჯანის პრეზიდენტს, ილჰამ ალიავს შეხვდა, - შეხვედრის ამსახველ ფოტოს ევროკომისარი Twitter-ის ოფიციალურ გვერდზე ავრცელებს.

როგორც ჯანი წერს, ილჰამ ალიევთან კონსტრუქციული შეხვედრა ჰქონდა. მისივე თქმით, ვიზიტი აღმოსავლეთ პარტნიორობის სამიტის მომზადებას ეძღვნებოდა.

აზერბაიჯანული მედია საშუალებების ინფორმაციით, რომ პრეზიდენტისა და ევროკომისრის მოლაპარაკებების თემა ნოემბერში დაგეგმილ აღმოსავლეთ პარტნიორობის სამიტი, სამეზობლო პოლიტიკა და ევროკავშირსა და ოფიციალურ ბაქოს შორის თანამშრომლობა იყო.

მედიის ინფორმაციით, დიალოგის დროს იოჰანეს ჰანმა ასევე ხაზი გაუსვა აზერბაიჯანში დემოკრატიული რეფორმების, კანონის უზენაესობის და ადამიანის უფლებების მნიშვნელობას.

ამასთან, უცნობია ისაუბრეს თუ არა ევროკომისარმა და ილჰამ ალიევმა აზერბაიჯანელი ჟურნალისტის აფგან მუხთარლის საკითხზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან