სასწრაფო დახმარების მძღოლის ცემის ფაქტზე გამოძიება სსკ-ის 125-ე მუხლით დაიწყო

2015-04-16 11:33:44, 751 ნახვა

სამართალი

სასწრაფო სამედიცინო დახმარების მძღოლის ცემის ფაქტზე გამოძიება სისხლის სამართლის კოდექსის 125-ე მუხლით მიმდინარეობს, რაც ცემას გულისხმობს.

ამის შესახებ "ექსპრესნიუსს" შინაგან საქმეთა სამინისტროში განუცხადეს.

ცნობისთვის, რეფერალურ საავადმყოფოსთან პაციენტის ახლობლებმა სასწრაფო დახმარების მძღოლი სცემეს. სასწრაფოს მანქანას საავდმყოფოში გოგონა გადაჰყავდა, რომელსაც მუცლის ტკივილი აღენიშნებოდა. პაციენტის ოჯახის წევრებმა, რომლებიც სასწრაფოს ავტომობილს უკან მოჰყვებოდნენ, საავადმყოფოსთან მძღოლს ფიზიკური შეურაცხყოფა მიაყენეს. მას პირველადი დახმარება ადგილზე გაუწიეს, ამჟამად კი მკურნალობას სახლში გადის. როგორც ცნობილია, პაციენტის ოჯახის წევრები ალკოჰოლური ზემოქმედების ქვეშ იმყოფებოდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან