ამერიკის შეერთებული შტატების პრეზიდენტმა, დონალდ ტრამპმა რუსეთის საგარეო საქმეთა მინისტრ სერგეი ლავროვთან შეხვედრის დროს მკაცრად გასაიდუმლოებული სადაზვერვო ინფორმაცია გაამჟღავნა, რამაც უმნიშვნელოვანესი წყარო საფრთხის ქვეშ დააყენა, - ამის შესახებ Washington Post-ი ამერიკის ყოფილ და მოქმედ მაღალჩინოსნებზე დაყრდნობით წერს. 

ამასთან, აღნიშნული წყარო დაზვერვას „ისლამური სახელმწიფოს“ შესახებ ინფორმაციას აწვდიდა. 

„მაღალჩინოსანთა ცნობით, ინფორმაცია, რომელიც პრეზიდენტმა გაამჟღავნა, მოწოდებული იყო აშშ-ის პარტნიორის მიერ, სადაზვერვო ინფორმაციის გაცვლის შეთანხმების ფარგლებში და იმდენად სენსიტიურად იყო მიჩნეული, რომ მისი დეტალები მოკავშირეებისთვის დაფარული იყო და მკაცრად იყო შეზღუდული მთავრობის შიგნითაც“, - წერს Washington Post-ი. 

როგორც Washington Post-ი წერს, პარტნიორს, რომელმაც აშშ-ის დაზვერვას ინფორმაცია მიაწოდა, მათთვის უფლება არ მიუცია, მასალები რუსეთისთვის გაეცნოთ. 

აღსანიშნავია, რომ აშშ-ის ცენტრალური დაზვერვისა (CIA) და ეროვნული უსაფრთხოების სააგენტოები (NSA) საკითხზე კომენტარს არ აკეთებენ. 

შეგახსენებთ, რომ დონალდ ტრამპმა რუსეთის საგარეო საქმეთა მინისტრს და ქვეყნის ელჩს თეთრ სახლში რამდენიმე დღის წინ უმასპინძლა. თეთრი სახლის ინფორმაციით, შეხვედრაზე ტერორისტული ორგანიზაციების მხრიდან მომავალ ძირითად საფრთხეებზე ისაუბრეს, თუმცა არანაირი სადაზვერვო ინფორმაცია არ განხილულა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო