სახელმწიფო აუდიტის სამსახურის ხელმძღვანელის ლაშა თორდიას განცხადებით მას თავს ყოფილი მთავარი პროკურორი ოთარ ფარცხალაძე და მასთან ერთად მყოფი რამდენიმე პირი დაესხა.

როგორც თორდიამ „მოამბეს“ განუცხადა, თავდასხმა პირადი ანგარიშსწორების მიზნით განხორციელდა და მის სამსახურებრივ საქმიანობას უკავშირდება.

„ეს იყო პირდაპირი ანგარიშსწორება, რომელიც დაკავშირებულია ჩემს სამსახურებრივ საქმიანობასთან. მითხრა კიდევაც, რომ ჩემზე კომპრომატებს რატომ აგროვებო, ამის შემდგომ ხუთი ადამიანი დამესხა თავს, ახლა მაქვს ტვინის შერყევა და დაზიანებები სახეზე. ერთი იყო ოთარ ფარცხალაძე, დანარჩენებს არ ვიცნობ. შემთხვევით შევხვდით ერთმანეთს. მან დაიწყო, რატომ ვაგროვებდი მასზე კომპრომატებს და ვადის გასვლის შემდგომ, როგორ უნდა მეცხოვრა. რომ ვუთხარი, გაეაზრებინა, ვის ელაპარაკებოდა, ამის შემდგომ გვერდიდან მომხვდა ხელი, მერე ბევრი ადამიანი უკნიდან და წინიდან მირტყამდა", - დასძინა თორდიამ. 

ცნობისთვის, გუშინ შარდენზე მდებარე ერთ-ერთ ღამის კლუბში ლაშა თორდიას თავს დაესხნენ. ამაჟამად ის საავადმყოფოში იმყოფება. მისი ჯანმრთელობის მდგომარეობა სტაბილურია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო