ამერიკის შეერთებულ შტატებში საგამოძიებო ფედერალური ბიუროს დირექტორის თანამდებობისთვის შესარჩევი გასაუბრება გაიმართება, - ამის შესახებ FOX NEWS იუწყება.

მედია საშუალების ინფორმაციით, FBI-ის დირექტორის პოსტზე სულ 11 კანდიდატია წარდგენილი, გასაუბრებას კი გენერალური პროკურორი ჯეფ სეშენსი და მისი მოადგილი როდ როზენშტეინი წარუძღვებიან. აღსანიშნავია, რომ 4 კანდიდატთან ასაუბრება უკვე ჩატარდა.

კანდიდატებს შორის არის ბიუროს ყოფილი დირექტორის ჯეიმს კომის მოადგილე და ამ დროისთვის დირექტორის მოვალეობის შემსრულებელი ენდრიუ მაკკეიბი, რომელიც კომის მხარდამჭერად მოიაზრება.

FOX NEWS-ი თეთრ სახლში არსებულ ანონიმურ წყაროზე დაყრდნობით იუწყება, რომ ბიუროს დირექტორის პოსტს რესპუბლიკელი სენატორი ჯონ კორნინი დაიკავებს. კორნინი პროფესიით იურისტია და 1999-2002 წლებში ტეხასის შტატის მთავარი პროკურორის თანამდებობას იკავებდა.

შეგახსენებთ, რომ აშშ-ის პრეზიდენტმა დონალდ ტრამპმა FBI-ის ყოფილი დირექტორი ჯეიმს კომი თანამდებობიდან 10 მაისს გაათავისუფლა. როგორც ტრამპმა შემდეგში განმარტა, კომი ბიუროს არაეფექტურად ხელმძღვანელობდა და თვითრეკლამით იყო დაკავებული. 

ცნობისთვის, ჯეიმს კომი წინასაარჩევნო კამპანიის პროცესში, რუსეთის შესაძლო ჩარევისა და დონალდ ტრამპის საარჩევნო შტაბის წევრების კრემლის წარმომადგენლებთან შესაძლო ფარული შეთანხმების შესახებ გამოძიებას ხელმძღვანელობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო