ევროპის ქვეყნების უმრავლესობაში საშუალო სიჩქარე 50კმ/სთ-ს წარმოადგენს, საქართველოში კი 60კმ/სთ-ია, - ამის შესახებ ორგანიზაციის „საქართველოს ალიანსი უსაფრთხო გზებისთვის" მიერ გავრცელებულ ინფორმაციაში ნათქვამი.

მათივე ცნობით, 50კმ/სთ სიჩქარით ქვეითზე შეჯახებისას, დაღუპვის რისკი მხოლოდ 20%-ია, ხოლო 80კმ/სთ-ით შეჯახება 60%-იან დაღუპვის რისკს წარმოშობს.

"საერთაშორისო პრაქტიკით ქალაქის გზებზე რეკომენდებულია 50კმ/სთ -იანი ლიმიტი, ხოლო სადაც ქვეითებისა და ავტომობილების შერეული მოძრაობაა-30კმ/სთ",-განმარტავენ ორგანიზაციაში.

სასტუმრო „რადისონში“ გაეროს საგზაო უსაფრთხოების მეოთხე გლობალური  კვირეულის აღსანიშნავად კონფერენცია მიმდინარეობს.

  კვირეულის გზავნილია "გაუფრთხილდი სიცოცხლეს, შეანელე!"

დღევანდელი კონფერენციის  მიზანია, საგზაო უსაფრთხოების სფეროში არსებული გამოწვევებისა და სამომავლო გეგმების განხილვა.

8-14 მაისის კვირის განმავლობაში საქართველოს მასშტაბით  სხვადასხვა სახის საგანმანათლებლო ღონისძიება იგეგმება.

საგზაო უსაფრთხოების კვირეული 100-ზე მეტ ქვეყანაში აღინიშნება. ამოცანაა,  მძღოლების ინფორმირება, რომ მაღალი სიჩქარით  გადაადგილება განსაკუთრებულ რისკს წარმოადგენს ყველა საგზაო მოძრაობის მონაწილისთვის და ზრდის როგორც  ავტოავარიის, ასევე მძიმე დაზიანებებისა და დაღუპვის რისკს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო