ადვოკატს შალვა აბულაძის დაკავების შესახებ ინფორმაცია არ აქვს

2015-04-10 11:54:47, 646 ნახვა

სამართალი

პოლიციელ ბექა მარგიშვილის მკვლელობაში ეჭვმიტანილ შალვა აბულაძის ერთ-ერთი ადვოკატი თამარ გაჩეჩილაძე მისი დაცვის ქვეშ მყოფის დაკავების ფაქტს არ ადასტურებს.

როგორც გაჩეჩილაძემ "ექსპრესნიუსს" განუცხადა, მისთვის აბულაძის დაკავების შესახებ არავის უცნობებია.

"მეც მოვისმინე ეს ინფორმაცია, მაგრამ ვერ დაგიდასტურებთ ვერაფერს, რადგან ჩემთვის არ არის ცნობილი, არავის დაურეკავს და არ შეუტყობინებია ამის შესახებ.არანაირი ინფორმაცია ამ დროისთვის ხელთ არ მაქვს. როგორც გავრცელდა ინფორმაცია, სპეცოპერაცია ტარდება ბორჯომში, იქ, თუ არ ვცდები, ჰყავს კიდევ მას სახაზინო წესით დანიშნული ადვოკატი. დაკავების შემთხვევაში პირველ რიგში ალბათ იმ ადვოკატს აცნობებდნენ",- განუცხადა თამარ გაჩეჩილაძემ "ექსპრესნიუსს".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან