ლონდონის ცენტრში 30 წლამდე მამაკაცი დააკავეს, რომელსაც თან ცივი იარაღი ჰქონდა, - ამის შესახებ BBC იუწყება.

მედია საშუალების ინფორმაციით, შემთხვევა პარლამენტის შენობასთან ახლოს, უათჰოლის კვარტალში მოხდა.

როგორც სკოტლანდ-იარდში აცხადებენ, რომ არსებობს ეჭვი, თითქოს მამაკაცს ტერაქტის მოწყობა უნდოდა.

თვითმხილველების თქმით, დაკავების ადგილას 2 დიდი დანა ნახეს.

გარდა ამისა, მედიის ცნობით, ეჭვმიტანილის დაკავების დროს არავინ დაშავებულა. ადგილზე ექსპერტ-კრიმინალისტები მუშაობენ. რაიონში უსაფრთხოების ზომებია გაზრდილი.

შეგახსენებთ, რომ 22 მარტს ლონდონში თავდამსხმელი ავტომობილით ქვეითებს დაეჯახა, რის შედეგადაც რამდენიმე ადამიანი დაშავდა, მათ შორის ერთი პოლიციელი. ამის შემდეგ მამაკაცმა ცივი იარაღით ერთ-ერთ პოლიციელს, რომელიც პარლამენტის შენობას იცავდა, რამდენიმე ჭრილობა მიაყენა და პარლამენტისკენ გაიქცა, რა დროსაც სამართალდამცველებმა მისი ლიკვიდაცია მოახდინეს. თავდასხმის შედეგად სულ 6 ადამიანი დაიღუპა, მათ შორის 1 პოლიციელი და თვითონ თავდამსხმელი, 40-მდე ადამიანი კი მძიმედ დაშავდა. ისინი საავადმყოფოში არიან გადაყვანილი. ტერაქტზე პასუხისმგებლობა "ისლამურმა სახელმწიფომ" აიღო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბადრი ჯაფარიძე - პარტიების აკრძალვით „ოცნება“ ამზადებს ნიადაგს კონსტიტუციური გადატრიალებისთვის

ნადარაია კოპალეიშვილს: ცდილობთ სასამართლოს წარმოჩენას ისე, თითქოს რაღაცაში გზღუდავთ

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ