ევროკომისიის პრეზიდენტის ჟან-კლოდ იუნკერის განცხადებით, დიდ ბრიტანეთს ევროკავშირიდან გასვლა დაახლოებით (50 მილიარდი სტერლიინგი) 58 მილიარდი ევრო დაუჯდება, - ამის შესახებ Sky News იუწყება. 

„ჩვენ უნდა ზუსტად გამოვითვალოთ თუ რა ვალდებულებები ჰქონდა დიდ ბრიტანეთს აღებული და უკვე ამის შემდეგ ბრიტანეთმა ანგარიში უნდა დაფაროს“, - განმარტა იუნკერმა. 

როგორც იუნკერმა აღნიშნა, გადასახდელი თანხა იმ პროექტების ღირებულებას შეიცავს, რომლის დაფინანსების პირობა დიდმა ბრიტანეთმა დადო, ასევე ევროკავშირის იმ თანამდებობის პირების პენსიების უზრუნველყოფას, რომლებიც გაერთიანებულ სამეფოში ევროკავშირის წევრობის დროს მუშაობდნენ. 

მისივე თქმით, ანგარიში ბრიტანეთის მთავრობისა და პარლამენტის მიერ ნაკისრ ვალდებულებებს ასახავს. 

„არ იქნება სანქციები, დასჯა, არაფერი ამდაგვარი, თუმცა ბრიტანეთმა უნდა იცოდეს, და მგონია, რომ იცის, მათ პატივი უნდა სცენ აღებულ ვალდებულებებს", - განაცხადა იუნკერმა. 

იუნკერის შეფასებით, დიდი ბრიტანეთის ევროკავშირიდან გასვლა "მარცხი და ტრაგედიაა". 

„ჩვენ მოლაპარაკებებს მეგობრულ და სამართლიან გარემოში წარვმართავთ. არ მაქვს ცუდი დამოკიდებულება ბრიტანეთის მიმართ, პირიქით მინდა ათწლეულების განმავლობაში მასთან კარგი, მეგობრული ურთიერთობა მქონდეს.“, - აღნიშნა იუნკერმა.

ევროკომისიის პრეზიდენტმა ევროკავშირის სხვა წევრ ქვეყნებს მიმართა და დასძინა, რომ მათ დიდი ბრიტანეთის მაგალითი არ უნდა აიღონ.

"არ მინდა, რომ სხვებმა ბრიტანეთის მაგალითი აიღონ. ეს იქნება ევროკავშირის დასასრული. წარმოიდგინეთ ერთი წუთით, რომ რამდენიმე წევრმა კავშირი დატოვოს - ეს ხომ იდეის და კავშირის დასასრული იქნება", - მიმართა იუნკერმა წევრ ქვეყნებს.

შეგახსენებთ, რომ გაერთიანებული სამეფოს ევროკავშირიდან გასვლის შესახებ რეფერენდუმი 2016 წლის 23 ივნისს ჩატარდა. ამ გადაწყვეტილებას მხარი პლებისციტში მონაწილე მოქალაქეების ნახევარზე მეტმა დაუჭირა, რის შემდეგაც მაშინდელი პრემიერ-მინისტრი დევიდ კამერონი გადადგა - ის ევროკავშირიდნ გასვლას ეწინააღმდეგებოდა. მისი ადგილი ტერეზა მეიმ დაიკავა. 

ცნობისთვის, 29 მარტს დიდი ბრიტანეთის პრემიერ-მინისტრი ტერეზა მეი "ბრექსითის" დაწყებას გამოაცხადებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე- კასრების იმედზე რომ დაიწყეს ომი, იმიტომაც დაამთავრეს ორ დღეში მარცხით 2008 წელს

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია