პუტინმა 2008 წლის აგვისტოში ქართველი ნაცნობისთვის SMS-ის გაგზავნისთვის გასამართლებული ქალი შეიწყალა

2017-03-07 15:42:06, 2791 ნახვა

მსოფლიო

რუსეთის პრეზიდენტმა ვლადიმერ პუტინმა სახელმწიფო ღალატისთვის ბრალდებული ოქსანა სევასტიდი შეიწყალა, - ამის შესახებ BBC იუწყება.

მედია საშუალების ინფორმაციით, ოქსანა სევასტიდი 2015 წელს შპიონაჟსა და სახელმწიფო ღალატის ბრალდებით დააკავეს და მას 7-წლიანი პატიმრობა მიუსაჯეს.

კერძოდ კი, BBC-ის ცნობით, მას ბრალად ედებოდა, 2008 წლის აგვისტოში ქართველი ნაცნობისთვის SMS შეტყობინებების სახით აფხაზეთისკენ ტანკების გადაადგილების თაობაზე ინფორმაციის მიწოდება.

ამასთან, ბრალდებული ირწმუნებოდა, რომ აღნიშნული შინაარსის შეტყობინება მან ნაცნობს აპრილში გადაუგზავნა, ხოლო გამოძიება ედავება, რომ მოკლე ტექსტური შეტყობინება 2008 წლის აგვისტოშია გაგზავნილი.

როგორც მედია გამოძიებაზე დაყრდნობით წერს, სევასტიდი სოხუმში მცხოვრებ ნაცნობს ინფომრაციას აწვდიდა. გამოძიების ცნობით, აღნიშნული პირი ქართულ სპეც-სამსახურებზე მუშაობდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან