ამერიკის შეერთებული შტატების პრეზიდენტმა დონალდ ტრამპმა ერაყი იმ ქვეყნების სიიდან ამოიღო, რომლის მოქალაქეებს აშშ-ში შესვლა დროებით შეზღუდული ჰქონდათ, - ამის შესახებ Associated Press თეთრი სახლის წყაროზე დაყრდნობით იუწყება.

მედია საშუალების ინფორმაციით, პენტაგონმა და აშშ-ის სახელმწიფო დეპარტამენტმა პრეზიდენტის ადმინისტრაციის ხელმძღვანელს გადაწყვეტილების გადახედვა სთხოვეს.

უწყებებმა იმ ფაქტზე გაამახვილეს ყურადღება, რომ ერაყს "ისლამურ სახელმწიფოს" წინააღმდეგ ბრძოლაში მნიშვნელოვანი როლი აკისრია. შესაბამისად მათ პრეზიდენტს სთხოვეს, რომ თეთრი სახლს აღნიშნული ქვეყნის პოზიციისთვის გადაეხედა.

აღნიშნულ განკარგულებას სავარაუდოდ დრეს ან ხვალ მოეწერება ხელი. 

ამასთან დანარჩენი მუსულმანური ქვეყნების მოქალაქეებს აშშ-ში შესვლა კვლავ აკრძალული აქვთ.

შეგახსენებთ, რომ დონალდ ტრამპის გადაწყვეტილებით, შვიდი მუსლიმი ქვეყნის მოქალაქეებს ამერიკაში შესვლა 90 დღის განმავლობაში აეკრძალათ. ამ განკარგულებამ აეროპორტებში ქაოსი გამოიწვია, ვინაიდან ირანის, ერაყის, ლიბიის, სომალის, სუდანის, სირიისა და იემენის მოქალაქეებს ქვეყანაში შესვლის უფლებას არ აძლევდნენ. ამასთან, განკარგულების თანახმად, ამერიკის ტერიტორიაზე შესვლა სირიელ ლტოლვილებს გაურკვეველი ვადით აეკრძალათ. აღნიშნულ განკარგულებას, დონალდ ტრამპმა ხელი 28 იანვარს მოეწერა. აშშ-ის სახელმწიფო დეპარტამენტის ცნობით, პრეზიდენტის განკარგულების შემდეგ, ვიზა 60 000-მდე პირს გაუუქმდა. ტრამპის გადაწყვეტილებას მასობრივი საპროტესტო აქციები მოჰყვა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება