რამდენიმე წამყვანი მედიასაშუალება, მათ შორის CNN, BBC, Politico, New York Times და LA Times, თეთრ სახლში გამართულ ბრიფინგზე არ დაუშვეს.

თეთრი სახლის პრესმდივანმა, სინ სპაისერმა შეარჩია ჟურნალისტები, რომლებიც რეპორტიორებთან კამერის მიღმა შეხვედრას დაესწრებოდნენ და ისინი თეთრი სახლის დასავლეთ ფლიგელში შეიყვანა, ნაცვლად ჯეიმს ბრედის ბრიფინგების ოთახისა. CNN-ის, BBC-ის, The New York Times-ის, LA Times-ის, New York Daily News-ისა და Daily Mail-ის ჟურნალისტებს კი შეხვედრაზე შესვლის უფლება არ მისცეს.

რამდენიმე მედია საშუალების, მათ შორის Associated Press-ის და ჟურნალ TIME-ის წარმომადგენლები, პროტესტის ნიშნად, ბრიფინგს საკუთარი სურვილით არ დაესწრნენ.

შეგახსენებთ, ბოლო პერიოდში აშშ-ის პრეზიდენტი დონალდ ტრამპი და მისი ადმინისტრაცია არაერთ გავლენიან მედია საშუალებას აკრიტიკებდნენ და მათ ბრალს ცრუ ინფორმაციის გავრცელებაში ადანაშაულებდნენ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს