ამერიკის შეერთებული შტატების პრეზიდენტის დონალდ ტრამპის განცხადებით, რამდენიმე ამერიკულ ტელეკომპანია NBC-ი, ABC-ი, CBS-ი და CNN-ი, ასევე  გაზეთი The New York Times-ს ამერიკელი ხალხის მტრები არიან, - ამის შესახებ დონალდ ტრამპი Twitter-ის საკუთარ გვერდზე დაწერა. 

ამასთან, 16 თებერვალს გამართულ პრესკონფერენციაზე, ნაციონალური უსაფრთხოების საკითხებში პრეზიდენტის მრჩეველის მაიკლ ფლინის გადადგომაზე ჟურნალისტის კითხვაზე საპასუხოდ, აშშ-ის პრეზიდენტმა CNN-ს ცრუ ინფორმაციის გავრცელება დააბრალა. პრეზიდენტმა ასევე მედიას უსაყვედურა, რომ ახალი ადმინისტრაციის საქმიანობის დადებით შედეგებს არ აშუქებენ.

„მე ვრთავ ტელევიზორს, ვშლი გაზეთებს და ვხედავ, რომ ჩვენს მუშაობას აფასებენ, როგორც ქაოსს. სინამდვილეში კი, ყველაფერი პირიქითაა“, - განაცხადა დონალდ ტრამპმა.

შეგახსენებთ, რომ ნაციონალური უსაფრთხოების საკითხებში პრეზიდენტის მრჩეველმა მაიკლ ფლინმა თანამდებობა  14 თებერვალს დატოვა. ფლინმა აღიარა, რომ თეთრ სახლს არასრული ინფორმაცია მიაწოდა აშშ-ში რუსეთის ელჩთან სერგეი კისლიაკთან კონტაქტების შესახებ და ამის გამო პრეზიდენტ ტრამპს ბოდიში მოუხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს