ამერიკის შეერთებული შტატების ვიცე-პრეზიდენტის მაიკლ პენსის განცხადებით, ქვეყნის წინაშე ისეთი მრავალრიცხოვანი მტერი არასდროს ყოფილა, როგორც დღესაა, - ამის შესახებ იფნრომაციას თეთრი სახლი ავრცელებს.

როგორც პენსიმ სამხედრო ბაზაზე სიტყვით გამოსვლისას აღნიშნა, ამერიკა მეტოქეების წინააღმდეგ მანამდე იბრძოლებს, სანამ მტერი არ განადგურდება და ქვეყანა უსაფრთხო არ გახდება.

„ამერიკის შეერთებული შტატების საზღვრებს მიღმა არის სამყარო, რომელიც სავსეა კონფლიქტებით და ხშირად ქაოსში ეფლობა“, - განაცხადა მაიკლ პენსმა.

მისივე ინფორმაციით, მათ შორისაა ტერორისტული ორგანიზაცია "ისლამური სახელმწიფო".

ამასთან, პენსიმ აღნიშნა, რომ „ისლამური სახელმწიფოს“ მიზანი არა მხოლოდ ამერიკელი ხალხის, არამედ ამერიკელთა ცხოვრების განადგურებაა.

პენსმა „ისლამური სახელმწიფოს“ მებრძოლებს ბარბაროსები უწოდა და აღნიშნა, რომ ისინი დაუნდობლად კლავენ მათ, ვინც გზაზე ეღობებათ.

ცნობისთვის, ამერიკის პრეზიდენტმა დონალდ ტრამპმა და ავღანეთის პირველმა პირმა, აშრაფ ღანიმ ორ ქვეყანას შორის ორმხრივი თანამშრომლობის საკითხებზე იმსჯელეს. აღსანიშნავია, რომ საუბრის დროს სახელმწიფოს მეთაურებმა ორმხრივი ურთიერთობების გაძლიერების საკითხები განიხილეს ისეთ სფეროებში, როგორიცაა უსაფრთხოება, ტერორიზმის წინააღმდეგ ბრძოლა და ეკონომიკური განვითარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს