ათასობით დემონსტრანტი 20 იანვარს საპროტესტო აქციის გამართვას და ახლადარჩეული პრეზიდენტის ინაუგურაციის ჩაშლას გეგმავს,  - ამის შესახებ BBC იუწყება.

როგორც მედია საშუალება იტყობინება, აქციის მონაწილეები 12 გამშვები პუნქტის დაბლოკვასა და თეთრ სახლთან გზების გადაკეტვას აპირებენ.

აქციის ორგანიზატორის დევიდ ტერსტონის თქმით, მათ "ქალაქში და  მთელ ქვეყანაში აჯანყების დანახვა სურთ".

დემონსტრანტები სხვა "სიურპრიზებსაც" ჰპირდებიან მოსახლეობას, თუმცა მათი ვარაუდით დონალდ ტრამპის მხარდამჭერებთან შესაძლოა, კონფლიქტი მოუვიდეთ.

მედიის ინფორმაციით, ქვეყნის მასშტაბით აქციის ჩატარებაზე ნებართვა სულ 27-მა საინიციატივო ჯგუფმა მიიღო. ეს რიცხვი სხვა ინაუგურაციებზე აქციების ჩატარების მსურველთა რიცხვს 4-ჯერ აღემატება.

არსებული ინფორმაციით, ტრამპის ინაუგურაციას 800 ათასი მაყურებელი დაესწრება. უსაფრთხოებას 15 ათასი ძალოვანი უზრუნველყოფს.

დონალდ ტრამპს და მის ადმინისტრაციას აღნიშნულ საკითხზე კომენტარი ჯერ არ გაუკეთებიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს