„ახალი ეკონომიკური სკოლა - საქართველოს“ ვიცე-პრეზიდენტ გია ჯანდიერს უჭირს თქმა, ეკონომიკურად წამგებიანია თუ არა  ხელშეკრულება, რომლის გაფორმებასაც ქართული მხარე  „გაზპრომ ექსპორტთან“  აპირებს. თუმცა, ჯანდიერი აღნიშნავს, რომ პოლიტიკურად საქართველოს მთავრობის გადაწყვეტილება კარგი არ არის.

2-წლიანი ხელშეკრულების თანახმად,  საქართველო „გაზპრომისგან“ სომხეთში ბუნებრივი აირის ტრანზიტის საფასურს ნედლეულის ნაცვლად, ფულადი სახით მიიღებს. გია ჯანდიერის შეფასებით, რუსეთს ეძლევა საშუალება, საქართველოს განვითარება  შეზღუდოს:

„ეკონომიკურად წამგებიანია თუარა ამას ვერ გეტყვით, რადგან რა წერია შიგნით უნდა ვნახოთ. როდესაც ამბობენ , რომ 185 დოლარით გვაძლევენო, რას გვაძლევენ და როდის, ესეც არ არის ცნობილი. ამას გარდა იაფია თუ არა, ესეც არაა ცნობილი.დღესდღეობით ბუნებრივი გაზის საფასური მსოფლიო ბაზარზე დაცემულია.რაც შეეხება პოლიტიკურად, პოლიტიკურად ერთმნიშვნელოვნად წამგებიანია იმიტომ, რომ ხელში  ვუგდებთ რუსეთს შესაძლებლობას, მანიპულაცია მოაწყოს ამ თემით, შეზღუდოს ჩვენი განვითარება და ასე შემდეგ. პოლიტიკურად არ არის კარგი გადაწყვეტილება“, - განუცხადა გია ჯანდიერმა „ესპრესნიუსს“.

შეგახსენებთ, საქართველოს მთავრობამ სომხეთში ბუნებრივი აირის ტრანზიტთან დაკავშირებით, „გაზპრომ-ექსპორტის“ საბოლოო წინადადება განიხილა და მასთან ხელშეკრულების გაფორმების გადაწყვეტილება მიიღო.

აღნიშნული ხელშეკრულებით, საქართველო „გაზპრომისგან“ სომხეთში ბუნებრივი აირის ტრანზიტის საფასურს ნედლეულის ნაცვლად, ფულადი სახით მიიღებს.

რაც შეეხება საქართველოსთვის გადასახდელ ტრანზიტის საფასურს, კალაძის მტკიცებით, ეს ევროპის ქვეყნებს შორის ერთ-ერთი ყველაზე მაღალი იქნება. ამასთან, მინისტრის თქმით, ხელშეკრულება 2 წლიანია და პირველ წელს ტრანზიტის საფასურის ანაზღაურება ნაწილობრივ ნედლეულით მოხდება, მეორე წელს კი სრულად ფულად ანაზღაურებაზე გადავლენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს

თიბისი საერთაშორისო STEM ოლიმპიადების მთავარი მხარდამჭერია

ვაშლიჯვარში კლდე ცამოიშალა და სახლი მოიყოლა- ერთი ადამიანი დაშავდა