საქართველოს მთავრობამ სომხეთში ბუნებრივი აირის ტრანზიტთან დაკავშირებით, „გაზპრომ-ექსპორტის“ საბოლოო წინადადება განიხილა და მასთან ხელშეკრულების გაფორმების გადაწყვეტილება მიიღო.

კერძოდ, ენერგეტიკის მინისტრის კახი კალაძის განმარტებით,აღნიშნული  ხელშეკრულებით, საქართველოს დამოკიდებულება რუსეთის ენერგომატარებლებზე არ იზრდება, იცვლება მხოლოდ გადახდის ფორმა, რაც  გულისხმობს სომხეთში ბუნებრივი აირის ტრანზიტის საფასურის ნედლეულის ნაცვლად,   საერთაშორისო პრაქტიკის შესაბამისად ფულადი სახით მიღებას. 

„როგორც მოგეხსენებათ ხელშეკრულების მოქმედების ვადა  დასრულებულია, ხელშეკრულებას, რომელიც 2016 წელს იყო გაფორმებული, 31დეკემბერს გაუვიდა ვადა, თუმცა რამდენიმე რაუნდიანი მოლაპარაკებების შედეგად შევძელით „გაზპრომ ექსპორტისგან“ არსებული გარემოებების გათვალისწინებით ოპტიმალური წინადადების მიღება. მთავრობამ იმსჯელა ამ შემოთავაზებაზე და მიიღო ხელშეკრულების  გაფორმების გადაწყვეტილება. ამ ხელშეკრულებით, საქართველოს დამოკიდებულება რუსეთის ენერგომატარებლებზე არ იზრდება, იცვლება მხოლოდ გადახდის ფორმა, რაც  გულისხმობს, ნედლეულით ანაზღაურების  ნაცვლად, საერთთაშორისო პრაქტიკის შესაბამისად ფულად ანაზღაურებაზე გადასვლას.“,-განაცხადა კალაძემ.

რაც შეეხება საქართველოსთვის გადასახდელ ტრანზიტის საფასურს, კალაძის მტკიცებით, ეს ევროპის ქვეყნებს შორის ერთ-ერთი ყველაზე მაღალი იქნება. ამასთან, მინისტრის თქმით, ხელშეკრულება 2 წლიანია და პირველ წელს ტრანზიტის საფასურის ანაზღაურება ნაწილობრივ ნედლეულით მოხდება, მეორე წელს კი სრულად ფულად ანაზღაურებაზე გადავლენ.

„ასევე გვაქვს შესაძლებლობა, საჭიროების შემთხვევაში ეროვნული დეფიციტის დასაკმაყოფილებლად მივიღოთ ბუნებრივია აირის დამატებითი მოცულობა შემცირებულ ფასად. ხელშეკრულება 2 წლის ვადითაა, თუმცა პირველ წელს ნაწილობრივ ისევ რჩება ნედლეულით ანაზღაურების ფორმა, ხოლო შემდეგ გაგრძელდება ფულადი ანაზღაურების ანგარიშსწორება.

ეს იყო ოპტიმალური  გადაწყვეტილება არსებული ვითარების გათვალისწინებით, საქართველო პატივს სცემს საერთაშორისო პრინციპებსა და სამართლებრივ ნორმებს, რაც მისი, როგორც სატრანზიტო  ფუნქციის მქონე ქვეყნისთვის, განსაკუთრებით მნიშვნელოვანია.

თანხობრივად საერთო ჯამში ფინანსური შედეგი იქნება დაახლოებით იგივე,რაც  ნედლეულის მიღების შემთხვევაში, ასევე საინტერესოა ის, რომ საჭიროების შემთხვევაში, თუ გვექნება აუცილებლობა, რომ წამოვიღოთ დამატებითი მოცულობები, ფასი 215 დოლარის ნაცვლად,  185 დოლარი იქნება“,-განაცხადა კახი კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს

თიბისი საერთაშორისო STEM ოლიმპიადების მთავარი მხარდამჭერია

ვაშლიჯვარში კლდე ცამოიშალა და სახლი მოიყოლა- ერთი ადამიანი დაშავდა