საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ორგანიზებით, სასტუმრო „ჰოლიდეი ინნ“-ში ასოცირების შეთანხმების ელექტრონული მონიტორინგის სისტემის პრეზენტაცია გაიმართა.

ღონისძიება ევროპულ და ევრო-ატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა ვიქტორ დოლიძემ, საქართველოში შვედეთის ელჩმა მარტინა ქუიკმა და გაეროს განვითარების პროგრამის (UNDP) პროგრამების ხელმძღვანელმა ნათია ნაცვლიშვილმა გახსნეს. ღონისძიებას საქართველოს მთავრობის, სამოქალაქო საზოგადოების, დიპლომატიური წრეებისა და საერთაშორისო ორგანიზაციების წარმომადგენლები ესწრებოდნენ.

ასოცირების შეთანხმების ელექტრონული მონიტორინგის სისტემით ისარგებლებს 30-მდე საჯარო უწყების თანამშრომელი, რომლებიც ჩართულნი არიან ასოცირების შეთანხმების ანგარიშების მომზადებაში, მონიტორინგსა და შესაბამისი ღონისძიებების დაგეგმვაში. საჯარო მოხელეებს შესაძლებლობა ექნებათ, ონლაინ რეჟიმში შეიყვანონ მონაცემები სისტემაში, რაც ხელს შეუწყობს შეცდომების მინიმიზაციას და უწყებათა შორის ეფექტიან კოორდინაციას. სისტემა 2017 წლის იანვრიდან ამუშავდება და მოქალაქეებს შესაძლებლობა ექნებათ თვალი ადევნონ საქართველო-ევროკავშირის ასოცირების შეთანხმების შესრულების პროგრესს სპეციალური ვებ-პორტალის მეშვეობით.

ელექტრონული მონიტორინგის სისტემა შემუშავდა საქართველოს იუსტიციის სამინისტროს სსიპ მონაცემთა გაცვლის სააგენტოს მიერ, გაეროს განვითარების პროგრამისა (UNDP) და  შვედეთის მთავრობის ერთობლივი ინიციატივის-„მმართველობის რეფორმის ფონდი“ (GRF) ფარგლებში. სისტემის შექმნას წინ უძღოდა საჭიროებების კვლევა, რომელიც PwC-ისა და პოლიტიკისა და მენეჯმენტის საკონსულტაციო ჯგუფის (PMCG) მიერ დიდი ბრიტანეთის მთავრობის კარგი მმართველობის ფონდის (GGF) ფარგლებში შემუშავდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს