ISIS-მ თურქი სამხედროების ცოცხლად დაწვის კადრები გაავრცელა

2016-12-23 13:00:10, 2810 ნახვა

მსოფლიო

ტერორისტულმა დაჯგუფებამ "ისლამურმა სახელმწიფომ" ინტერნეტში გაავრცელა ორი თურქი სამხედროს ცოცხლად დაწვის ვიდეოკადრები, - ამის შესახებ ინფორმაციას Mirror-ი ავრცელებს.

მედია საშუალების ინფორმაციით, ჩანაწერში ისლამისტები აცხადებენ, რომ ეს ტყვედ ჩავარდნილი თურქეთის შეიარაღებული ძალების სამხედროები არიან.

ჯიჰადისტების თქმით, 19-წუთიანი ვიდეორგოლი სირიაში, ალეპოს პროვინციაშია გადაღებული. ჩანაწერში ისმის თურქეთის პრეზიდენტის რეჯეპ ტაიპ ერდოღანის მისამართით შეუარაცხმყოფელი განცხადებები, რის შემდეგაც ისლამისტები სამხედროებს ცეცხლს უკიდებენ.

ამასთან, ვიდეოს გავრცელების შემდეგ თურქეთის ხელისუფლებამ სოციალური ქსელები დაბლოკა.

თურქეთის მთავრობას ვიდეოსთან დაკავშირებით კომენტარი ჯერ არ გაუკეთებია, მაგრამ არმიის წარმომადგენლებმა 2 სამხედროსთან კავშირის დაკარგვა დაადასტურეს.

შეგახსენებთ, რომ ორი წლის წინ ინტერნეტში ანალოგიური ვიდეო გავრცელდა, სადაც ჩანს, თუ როგორც წვავენ ცოცხლად "ისლამური სახელმწიფოს" მებრძოლები იორდანელ მფრინავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან