საქართველოს პრეზიდენტმა გიორგი მარგველაშვილმა დღეს საქართველოში სამუშაო ვიზიტით მყოფი ევროკავშირი-საქართველოს ასოცირების საპარლამენტო კომიტეტის დელეგაცია მიიღო.

პრეზიდენტის ადმინისტრაციის პრესსამსახურის ინფორმაციით, შეხვედრისას კომიტეტის დელეგაციამ მხარდაჭერა გამოთქვა საქართველოს ასოცირების დღის წესრიგის იმპლემენტაციის საკითხთან დაკავშირებით.

მათივე ინფორმაციით, შეხვედრაზე განიხილეს თავისუფალი სავაჭრო ურთიერთობების შესახებ ხელშეკრულების მიმდინარეობის საკითხები და ისაუბრეს იმ კონკრეტულ ბენეფიტებზე, რომელიც    DCFTA - ს  საქართველოსათვის მოაქვს.

დელეგაციის წევრებმა იმედი გამოთქვეს, რომ საქართველოს ვიზალიბერალიზაციის პროცესი სწრაფად დასრულდება.

მხარეებმა განიხილეს საქართველოს ოკუპირებულ ტერიტორიებზე არსებული ვითარება და ოკუპირებულ რეგიონებში ადამიანის უფლებების დარღვევის ფაქტები.

ევროკავშირი - საქართველოს ასოცირების საპარლამენტო კომიტეტის დელეგაციამ მადლობა გადაუხადა საქართველოს პრეზიდენტს ბერლინში მომხდარი ტრაგედიის გამო გამოხატული თანაგრძნობისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს